Ahmedabad Plane Crash : देव तारी त्याला कोण मारी! अहमदाबाद अपघातात मृत्यूच्या दारातून रमेश विश्वकुमार बचावला

सुप्रिम म्हसकर, साम टीव्ही, प्रतिनिधी

'देव तारी त्याला कोण मारी' ही म्हण अहमदाबाद विमान अपघातानंतर खरी ठरलीय. या दुर्घटनेत 265 प्रवाशांना आपले प्राण गमवावे लागले. हृदयाचा थरकाप उडेल असं भीषण वातावरण घटनास्थळी होतं. अनेक प्रवासी जळालेले होते. मात्र अपघाताच्या काही वेळानंतर रस्त्यावरून रक्ताच्या थारोळ्यात चालत जाणारा एक व्यक्ती दिसला..हा व्यक्ती म्हणजे विमान अपघातातून बचावलेले रमेश विश्वासकुमार... दैव बलवत्तर असेल तर कसा चमत्कार घडू शकतो त्याचं मूर्तीमंत उदाहरण विश्वासकुमार यांच्या रुपानं पाहायला मिळालय. सीट नंबर 11 A वर बसलेले रमेश विश्वासकुमार मृत्यूच्या दाढेतून कसे सुखरुप बाहेर पडले.. अपघातावेळी नेमकं काय झालं? याची धक्कादायक माहिती रमेश विश्वासकुमार यांनी दिलीय.

अपघातानंतर विश्वासकुमार यांनी आपल्या डोळ्यादेखत दोन एअरहॉस्टेसना जळतानं पाहिलं..त्यामुळे इतका भीषण अपघात होऊनही रमेश विश्वासकुमार कसे वाचले, असा प्रश्न अनेकांना पडलाय. त्यात आता खुद्द विश्वासकुमार यांनीच आपबीती सांगितलीय. भारतीय वंशांचे ब्रिटश नागरिक असणारे रमेश विश्वासकुमार 11A नंबरच्या सीटमुळेच वाचले, असं बोललं जातयं. त्यामुळे 11A या सीटचं वैशिष्ट्य काय आहे? पाहूयात

11A सीटने वाचवला जीव

- अहमदाबाद विमान अपघातात फक्त 1 प्रवासी बचावला

- रमेश विश्वकुमार हा 11A सीट नंबरवर बसला होता

- 11A नंबरची सीट विमानाच्या एक्झिट दाराजवळ

- 11 A सीट ही विमानात इकोनॉमी क्लासमध्ये होती

- एअर इंडियाच्या विमानात पुढच्या भागात बिझनेस क्लास

- बिझनेस आणि इकॉनॉमी क्लासमध्ये प्रत्येकी एक दरवाजा

- सीटशेजारी एक्झिट दाराजवळ असल्यानं विश्वासकुमार बाहेर पडला

दरम्यान जगाला हादरवणारा अहमदाबाद विमान दुर्घटनेचा तपास आता एटीएस करणार आहे. रमेश विश्वकुमार अपघातातून बचावल्यानं त्याच्याकडून मिळणारी माहिती तपासाला वेग देणारी ठरणार आहे. त्यामुळे हा अपघात नेमका कशामुळे झाला हे तपासानंतर लवकरच उघड होईल. मात्र या भीषण दुर्घटनेतही रमेश जिवंत राहण्याची चर्चा यापुढेही अनेक वर्षा होत राहणार शंका नाही.