Bhayandar News: भाईंदरमध्ये नशेखोरांची दादागिरी, महिला पोलिसाला थेट बांबूने बेदम मारहाण, संतापजनक घटना

महेंद्र वानखेडे, साम टीव्ही भाईंदर

Mira Bhayandar Crime News

अमली पदार्थ विरोधी कारवाई करण्यासाठी गेलेल्या एका पोलीस पथकावर अचानक नशेखोरांनी हल्ला चढवला. यावेळी एका महिला पोलीस कर्मचाऱ्याला लाकडी बांबूने बेदम मारहाण करण्यात आली. या घटनेत महिला पोलीस जखमी झाली आहे. ही धक्कादायक घटना भाईंदरच्या धारावी परिसरात मंगळवारी (२० फेब्रुवारी) रात्री ९ वाजताच्या सुमारास घडली. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या प्रकरणी उत्तन सागरी पोलीस ठाण्यात गुन्हा दाखल करण्यात आला आहे. पोलिसांनी (Police) तिघांच्या मुसक्या आवळला आहेत. अब्बास अली मिर्झा (वय ३८) अंकुर भारती (वय २८) आणि राजू गौतम (वय १९) अशी अटक करण्यात आलेल्या आरोपींची नावे आहेत.

राज्यभरात ड्रग्ज तस्करीच्या वाढत्या घटना लक्षात घेता, मीरा-भाईंदर वसई विरार पोलीस आयुक्तालयातर्फे सध्या अमली पदार्थ विरोधात कारवाई करण्यात येत आहे. दररोज नशेबाजांची धरपकड करून गुन्हे दाखल करण्यात येत आहेत. (Latest Marathi News)

अशातच बुधवारी रात्री ९ वाजेच्या सुमारास अमली पदार्थ विरोधी शाखेच्या ५ जणांचे पथक भाईंदर पश्चिम येथील उत्तन परिसरातील धावगी डोंगर येथे गेले होते. त्यावेळी १५ ते २० जणांनी पोलिसांशी वाद घालून मारहाण केली. यामुळे पोलिसांना जीव वाचवून माघारी फिरावं लागलं.

यावेळी काही नशेबाजांनी एका महिला पोलीस कर्मचाऱ्याला लाकडी बांबूने बेदम मारहाण केली. या मारहाणीत लता एकलदेवी या गंभीर जखमी झाल्या आहेत. या घटनेनं परिसरात एकच खळबळ उडाली आहे.