Viral Video : हात जोडले, आरती ओवाळली; फुटपाथवरून दुचाकी घेऊन जाणाऱ्या तरुणासोबत महिलेने काय केलं पाहा। VIDEO

असं म्हणतात नियमांची पायमल्ली केली तर चोखंदळ पुणेकर तुमचा कसा आणि कुठल्या ही थराला जाऊन अपमान करू शकतात हे सांगू शकत नाही. मग तो अपमान कधी उपहासात्मक असू शकतो, कधी थेट तुमच्या कानशिलात लावणारा सुद्धा असू शकतो किंवा कधी घोर अपमान करणारा सुद्धा असू शकतो. असाच एक व्हिडिओ सोशल मीडियावर व्हायरल होत आहे. फुटपाथ वरून दुचाकी घेऊन जाणाऱ्या तरुणाला महिलेने खोचक शब्दात सुनावले आहे.

व्हायरल झालेल्या व्हिडिओनुसार, रस्त्यावर ट्राफिक असल्याने काही तरुण फुटपाथवरून गाडी घेऊन जात आहे. याचदरम्यान अनेक पादचारी देखील त्या फुटपाथवरून जात आहे. अशाच पादचाऱ्यांमधील एका महिलेने फुटपाथवरून गाडी घेऊन जाणाऱ्या तरुणांपुढे हात जोडले आणि नंतर त्यांची हाताने आरती ओवाळली.

यानंतर ही महिला या तुमची आरती करते म्हणत दुचाकीस्वारांच्या मागे पळाली. या घटनेचा व्हिडिओ वाहतूक कोंडीत अडकलेल्या एका वाहन चालकाने केला असून पुण्यातील पाषाण भागातील हा व्हिडिओ असल्याचं बोललं जात आहे. या घटनेचा व्हिडिओ सोशल मीडियावर व्हायरल होत आहे.

पुणेकरांसाठी वाहतूक कोंडीची समस्या नवीन नसून ती कमी होण्याऐवजी वारंवार वाढताना पाहायला मिळत आहे. अनेक नेत्यांनी उपाययोजनांची आश्वासन दिली मात्र रस्त्यांची अवस्था जैसे थे च आहे. पुण्यात लोकसंख्येबरोबरच वाहनांच्या संख्येत देखील तितकीच वाढ होत आहे. दरम्यान या व्हिडिओमधून अस्सल पुणेकरी ठसका नेटकऱ्यांना पाहायला मिळाला.