Pune Firing : ऐन दिवाळीत पुण्यात तिघांकडून गोळीबार; तर नवी मुंबईतील उलव्यात स्फोटांचे आवाज, परिसरात खळबळ

सचिन जाधव, साम टीव्ही प्रतिनिधी

पुणे : पुणे शहरातून मोठी बातमी समोर आली आहे. पुण्यात पुन्हा एकदा गोळीबाराची घटना घडली आहे. ऐन दिवाळीत गोळीबाराची घटना घडली आहे. पुण्यातील अलंकार पोलीस स्टेशनच्या हद्दीत ही घटना घडली आहे. या घटनेने परिसरात खळबळ उडाली आहे. या घटनेनंतर पोलीस घटनास्थळी पोहोचले आहेत.

मिळालेल्या माहितीनुसार, पुण्यात ऐन दिवाळीत गोळीबाराची घटना घडली आहे. पुण्यातील अलंकार पोलीस स्टेशनच्या हद्दीत गोळीबाराची घटना घडली आहे. या घटनेनंतर पोलीस घटनास्थळी पोहोचले आहेत. पुण्यात तीन जणांकडून गोळीबार झाल्याची घटना समोर आली आहे. ऐन निवडणूक आणि सणासुदीत घटना घडल्याने खळबळ उडाली आहे.

कायदा सुव्यवस्थेचा प्रश्न ऐरणीवर

राज्यात सर्वत्र निवडणुकीची धामधुम सुरु झाली आहे. सर्व राजकीय पक्षांनी प्रचाराचा धडाका लावला आहे. पुण्यातही निवडणुकीची रणधुमाळी पाहायला मिळत आहे. या निवडणुकीसाठी पोलिसांचा मोठा फौजफाटा तैनात करण्यात आला आहे. याचदरम्यान, पुण्यात गोळीबाराची घटना घडल्याने खळबळ उडाली आहे. पुण्यात रात्री अंधारात तिघांनी गोळीबार केला आहे.

उलवे येथे स्फोटांचे आवाज

नवी मुंबईतील उलवा येथे पेट्रोलचा स्फोट झाल्याची घटना घडली आहे. उलवाजवळील जावळे गावात ही घटना घडली आहे. अवैद्यरित्या पेट्रोलची विक्री आणि तसेच साठवणूक करत असलेल्या घरात स्फोट झाल्याची घटना घडली आहे. साठवणूक केलेल्या पेट्रोलचा स्फोट झाल्याची माहिती मिळत आहे. या घटनेत दोघांचा मृत्यू झाला आहे. तर दोन जण गंभीर असल्याची प्राथमिक माहिती मिळाली आहे. ही घटना घडताच अग्निशमन दल आणि पोलिस दाखल झाले आहेत.