Ulhasnagar Crime: वस्तूच्या किंमतीवरून वाद, दुकानासमोरच एकमेकांना तुडवलं; मोबाइलही फोडला, हाणामारीचा VIDEO व्हायरल

Crime News Ulhasnagar: उल्हासनगरमध्ये वस्तूच्या किंमतीवरून वाद झाला. त्यानंतर दुकानासमोरच दुकानदार आणि ग्राहकामध्ये तुफान राडा झाला. याचा सीसीटीव्ही व्हिडीओ सोशल मीडियावर व्हायरल होत आहे.
Ulhasnagar Crime
Ulhasnagar Fighting VideoSaam Tv
Published On

अजय दुधाणे, उल्हासनगर

उल्हासनगरमध्ये दुकानदार आणि ग्राहकांमध्ये तुफान हाणामारी झाल्याची धक्कादायक घटना घडली. मोबाइलमध्ये शूटिंग करत असल्याने संतप्त झालेल्या ग्राहकाने दुकानदाराचा महागडा फोन तोडला. खरेदी केलेल्या वस्तूच्या किमतीवरून ग्राहक आणि दुकानदार यांच्यामुळे वाद झाला. हाणामारीची ही घटना सीसीटीव्हीत कैद झाली आहे.

उल्हासनगरात किरकोळ वादातून ग्राहक आणि दुकानदार यांच्यात हाणामारी झाल्याची घटना घडली असून ही घटना सीसीटीव्हीत कैद झाली आहे. दुकानदार ग्राहकाचा व्हिडिओ काढत असल्याने ग्राहकाने दुकानदाराचा फोन फोडून त्याला बेदम मारहाण केली. या प्रकरणी दुकानदाराने पोलिस ठाण्यात तक्रार दाखल केली. याप्रकरणी पोलिसांनी दोघांविरोधात गुन्हा दाखल करत तपास सुरू केला आहे.

Ulhasnagar Crime
Pune Crime : पुणे विमानतळावर पोलिसांची चिंधीचोरी; विक्रेत्याचे ५६ बेडशीट पळवले, परत देण्यासाठी दोघांनी...

उल्हासनगरच्या कॅम्प ३ मधील रामायण नगरमध्ये अनिल तोतानी यांचे दुकान आहे. सोमवारी सकाळी रोहित भगवाने आणि त्याची पत्नी हे त्यांच्या मुलासह वस्तू खरेदी करण्यासाठी दुकानात आले. रोहितने खरेदी केलेल्या वस्तूचा भाव न पटल्याने हा वाद झाला आणि या वादाचे रूपांतर नंतर हाणामारीत झाले. या हाणामारीत रोहितने दुकान मालक अनिल यांच्या डोक्यात वीट मारल्याने त्यांना गंभीर दुखापत झाली.

Ulhasnagar Crime
Pune Crime : पुणे विमानतळावर पोलिसांची चिंधीचोरी; विक्रेत्याचे ५६ बेडशीट पळवले, परत देण्यासाठी दोघांनी...

तसंच, या हाणामारीत दुकान मालक अनिल मोबाइलमध्ये घटनेचे शूटिंग करत असल्याने संतप्त झालेल्या रोहितने अनिल यांचा ४० हजार रुपये किंमतीचा मोबाइल तोडला. तर या हाणामारीत मध्यस्थी करण्यासाठी आलेल्या अनिल यांच्या वडिलांनाही मारहाण करण्यात आली. तर दुकानदाराने आपल्याला जातीवाचक शिवीगाळ केल्याचा आरोप रोहितने केला. याप्रकरणी मध्यवर्ती पोलिस ठाण्यात परस्परविरोधी गुन्हे दाखल करण्यात आले आहेत.

Ulhasnagar Crime
Dombivli Crime : 'Excuse me' बोलण्याचा संताप, मराठी बोला सांगत तरुणीला बेदम मारहाण; डोंबिवलीतला थरारक VIDEO व्हायरल

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com