Kalyan Lok Sabha Seat: श्रीकांत शिंदेंच्या मतदारसंघात उद्धव ठाकरेंचा दौरा, कल्याण लोकसभा मतदारसंघाचा घेणार आढावा

>> अभिजित देशमुख

Uddhav Thackeray Kalyan Visit:

मुख्यमंत्र्यांचे सुपुत्र श्रीकांत शिंदे यांचा बालेकिल्ला असलेल्या कल्याण लोकसभा मतदारसंघात शिवसेना ठाकरे गटाकडून तगडा उमेदवार देण्याची तयारी सूरु केली आहे. यासाठी १३ जानेवारी राेजी पक्ष प्रमुख उद्धव ठाकरे हे कल्याण पूर्व भागातील कोळसेवाडी परिसरात येणार आहेत.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पक्षफुटीनंतर उद्धव ठाकरे पहिल्यांदाच कल्याण डोंबिवलीत येणार आहेत. त्यामुळे ठाकरे गटाकडून जोरदार शक्ती प्रदर्शन केले जाण्याची शक्यता आहे. याठिकाणी ठाकरे कल्याण लोकसभा मतदार संघातील सहा विधानसभा मतदार संघाचा आढावा घेणार आहेत. यासाठी पदाधिकाऱ्यांच्या बैठकीचे आयोजन करण्यात आले हाेते.   (Latest Marathi News)

या बैठकी दरम्यान संपर्क प्रमुख गुरुनाथ खोत, जिल्हा प्रमुख विजय साळवी, शहर प्रमुख शरद पाटील, उपजिल्हा प्रमुख हर्षवर्धन पाटील, माजी महापौर रमेश जाधव, धनंजय बोडारे आणि चंद्रकांत बोडारे उपस्थित होते.

यातच शिवसेना शिंदे गटावर टीका करत ठाकरे गटाचे जिल्हा प्रमुख विजय साळवी म्हणाले, ज्यांना पाळलं पोसलं. पाणी पाजलं. अन्न दिले, सर्व दिले, ते पाठीत खंजीर खुपसून गेले. इतकेच नाही तर या माणसाने संघटनेवर घाला घातला. ही ज्वाला तुमच्या हृदयात पेटली आहे. येत्या १३ जानेवारीला उद्धव ठाकरे कल्याणमध्ये येणार आहे. त्यासाठी ठाकरे गटाकडून बैठकीचे आयोजन केले होते. या बैठकीत साळवी यांनी हे विधान केले आहे.