Uddhav Thackeray In Mumbra: उद्धव ठाकरेंनी शाखेकडे जाणं टाळलं, शिंदे गटाने साजरा केला जल्लोष

 Uddhav Thackeray Vs Eknath Shinde:

आज दिवसभर ठाणे जिल्ह्यातील मुंब्रा हा राजकारणाच्या केंद्रस्थानी राहिला आहे. मुंब्र्यातील शिवसेनेच्या शाखेवरुन शिवसेना शिंदे गट आणि ठाकरे गटाचे कार्यकर्ते एकमेकांसमोर उभे ठाकले होते.

येथील शाखा तोडल्यानंतर स्वतः उद्धव ठाकरे शाखेची पाहणी करण्यासाठी मुंब्रा येथे दाखल झाले होते. मात्र ते शाखेची पाहणी न करताच मुंबईच्या दिशेने परतले आहेत. उद्धव ठाकरे येथून निघाल्यानंतर शिंदे गटाच्या कार्यकर्त्यांनी मोठा जल्लोष केला आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मिळालेल्या माहितीनुसार, येथे मोठ्या संख्येने दोन्ही गटाचे कार्यकर्ते जमले होते. उद्धव ठाकरे येथे दाखल झाल्यानंतर शिंदे गटाचे कार्यकर्ते आक्रमक झाले होते. शिंदे गटाच्या कार्यकर्त्यांनी ठाकरे यांना काळे झेंडे दाखवले. यावेळी उद्धव ठाकरे गटाचे कार्यकर्तेही खूप आक्रमक झाले होते. (Latest Marathi News)

उद्धव ठाकरे यांनी पोलिसांना आपल्याला शाखेकडून जाऊन देण्यात यावं असं सांगितलं. मात्र दोन्ही गटाचे आक्रमक कार्यकर्ते पाहता परिस्थिती हाताबाहेर जाऊ नये म्हणून पोलिसांनी उद्धव ठाकरे यांना शाखेकडे न जाण्याची विनंती केली. पोलिसांच्या विनंतीला मान देऊन उद्धव ठाकरे हे देखील मागे परतले.

'सरकारला सत्तेचा माज आलाय'

येथून परतल्यानंतर कार्यकर्त्यांना संबोधित करताना उद्धव ठाकरे यांनी शिंदे सरकारवर हल्लाबोल केला आहे. उद्धव ठाकरे म्हणाले आहेत की, ''सरकारला सत्तेचा माज आलाय असून त्यांचा माज निवडणुकीत उतरवू.'' ते म्हणाले, ''त्यांच्यात हिम्मत असेल तर पोलिसांना बाजूला ठेवून या.''