ठाण्यात पोलिसांनी केलेल्या एका मोठ्या कारवाईमुळे संपूर्ण मनोरंजन विश्वात खळबळ उडाली आहे. देहविक्रीच्या रॅकेटमध्ये अडकलेल्या ३५ वर्षीय एका प्रसिद्ध टीव्ही अभिनेत्रीची पोलिसांनी सुटका केली आहे. याप्रकरणी एका महिला एजंटला अटक करण्यात आली आहे. या संपूर्ण घटनेमुळे टीव्ही विश्वाचा एक काळा चेहरा पुन्हा एकदा समोर आला आहे.
पोलिसांना ठाणे परिसरात मनोरंजन क्षेत्रातील महिलांना देहव्यापारात ढकलणाऱ्या रॅकेटची माहिती मिळाली होती. गुप्त माहितीच्या आधारे पोलिसांनी सापळा रचून एका ठिकाणी छापा टाकला. या कारवाईदरम्यान पोलिसांनी ३५ वर्षीय अभिनेत्रीची या विळख्यातून सुटका केली. तपास अधिकाऱ्यांनी रविवारी याबाबत माहिती दिली. पीटीआयने याबाबतचे वृत्त दिले आहे.
या संपूर्ण रॅकेटमागे एका महिलेचा हात असल्याचे ठाणे पोलिसांच्या तपासात समोर आले. पोलिसांनी त्या महिलेला अटक केली आहे. तिच्या पुरुष साथीदाराचा शोध सुरू आहे, असे त्यांनी सांगितले.
आरोपी महिलेची सध्या कसून चौकशी सुरू आहे. ती कुणाला आणि कसं या जाळ्यात ओढत होती? यात आणखी कोणाकोणाचा सहभाग आहे, याचा पोलीस शोध घेत आहेत. या घटनेमुळे टीव्ही इंडस्ट्रीत पुन्हा एकदा खळबळ उडाली आहे. अशा प्रकारच्या रॅकेटमध्ये कलाकार कसे अडकतात, याविषयी उलटसुलट चर्चा सुरू आहेत. पोलीस या प्रकरणाचा अधिक तपास करत आहेत.
एका स्वयंसेवी संस्थेकडून मिळालेल्या गुप्त माहितीच्या आधारावर पोलिसांनी ८ ऑक्टोबर रोजी मीरा-भायंदर रोडवरील एका हॉटेलमध्ये बनावट ग्राहक पाठवला. नंतर त्यांनी तिथे छापा टाकला आणि महिलांना वेश्याव्यवसायात ढकलण्याच्या आरोपाखाली पैसे स्वीकारताना तबस्सुम उर्फ सोनिया उमर कुरेशी (३९) नावाच्या एका महिलेला अटक केली, असे पोलिसांनी सांगितले. तिच्यावर भारतीय न्याय संहितेच्या कलम १४३ (मानव तस्करी) तसेच अनैतिक वाहतूक (प्रतिबंध) कायद्याच्या तरतुदींनुसार गुन्हा दाखल करण्यात आला आहे, असे प्रसिद्धीपत्रकात म्हटले आहे.
पोलिसांनी हिंदी मालिका आणि वेब सिरीजमध्ये काम करणाऱ्या एका अभिनेत्रीची सुटका केली. त्यानंतर तिला मुंबईतील रेस्क्यू फाउंडेशनमध्ये संरक्षणात्मक ताब्यात ठेवण्यात आले आहे. पोलिसांनी दिलेल्या माहितीनुसार, कुरेशी आणि एका पुरुषाने मनोरंजन क्षेत्रातील टीव्ही मालिका, वेब सिरीज आणि फोटो शूटमध्ये काम करणाऱ्या महिलांना वेश्याव्यवसायात ढकलले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.