Palghar News : मुंबई अहमदाबाद राष्ट्रीय महामार्गावर आज (मंगळवार) सकाळच्या सुमारास माेठ्या प्रमाणात वाहतुक काेंडी झाल्याचे पाहायला मिळाले. मुंबईहून गुजरातकडे जाणाऱ्या वाहिनीवर वाहनांच्या तीन किलोमीटर पेक्षा अधिक लांबच्या लांब रांगा लागल्या आहेत. (Maharashtra News)
मुंबई अहमदाबाद राष्ट्रीय महामार्गावर स्थानिकांना ये-जा करण्यासाठी पालघर मधील चिंचपाडा येथे पूल तयार करण्यात आला आहे. या पुलाच्या खालील स्लॅबचा काही भाग कोसळून पडला. त्यामुळे हा पूल धोकादायक बनला आहे.
स्लॅबसाठी वापरण्यात आलेल्या लोखंडी सळया ही बाहेर निघाल्या आहेत. त्यामुळे महामार्गावरून अवजड वाहनांचा ये-जा करताना मोठा अपघात घडण्याची शक्यता निर्माण झाली आहे. सध्या या महामार्गावरील दोन्ही बाजूच्या मार्गांवरील एक एक लेन बंद करण्यात आली आहे.
यामुळे दोन्ही वाहिन्यांवर वाहतूक धीम्या गतीने सुरू असून मुंबईकडून गुजरातकडे जाणाऱ्य दिशेने वाहतूक कोंडी झाली आहे. वाहनांच्या तीन ते चार किलोमीटरच्यां रांगा पाहायला मिळत आहेत. त्यामुळे राष्ट्रीय महामार्ग प्राधिकरणाकडून या पूलाची तातडीने दुरुस्ती करण्याची गरज निर्माण झाली आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.