Old Mumbai Pune Highway Traffic Update : कामशेत खिंडीत 6 अवजड वाहनं बंद पडली, पुण्याकडील वाहतूक खाेळंबली

Maval News :

जुन्या मुंबई पुणे महामार्गावर (old mumbai pune highway) मुंबईवरून पुण्याला जातानाच्या मार्गावर आज (मंगळवार) सकाळपासून वाहतुकीचा बाेऱ्या उडाला आहे. तब्बल सहा अवजड वाहने (heavy vehicles) बंद पडल्याने महामार्गावरील वाहतूक धिम्या गतीने सुरू आहे. (Maharashtra News)

प्राथमिक माहितीनुसार, जुन्या मुंबई पुणे महामार्गावर कामशेत खिंडीत अवघड वळणावर अवजड वाहनं चढावावर जाताना एक नाही तर, तब्बल सहा वाहनं बंद पडली आहेत. दुसऱ्या वाहनांना अनेक अडचणी निर्माण झाल्याने जुन्या मुंबई पुणे महामार्गावरती अडकून पडल्याचे दिसून येत आहे.

जुन्या मुंबई पुणे महामार्गावरुन सकाळी कामावर जाण्यासाठी अनेक जण या महामार्गाचा वापर करतात. आजही नेहमीप्रमाणे कामगार वर्ग घराबाहेर पडला. परंतु अवजड वाहने बंद पडल्याने महामार्गावरील वाहतुक खाेळंबली. परिणामी अनेक वाहनधारकांकडून कामावर जाण्यास उशिर हाेत असल्याची खंत व्यक्त हाेत हाेती.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar