Sindhudurg News : सावंतवाडी परिसरात गवारेड्यांचा धुमाकूळ, ग्रामस्थ भयभीत

- विनायक वंजारे

Sindhudurg News :

सावंतवाडी शहरातील (sawantwadi) सालईवाडा भागात जंगली गव्यारेड्यांचा मुक्त संचार आढळून आला आहे. शहरात भरवस्ती लगत हे गवे रेडे चरताना दिसून आले. गवे रेडे भरवस्तीत येऊ लागल्याने येथील ग्रामस्थांमध्ये भितीचे वातावरण आहे. (Maharashtra News)

सावंतवाडी येथे राजरोसपणे गव्यांचा कळप लोकवस्ती नजीक मुक्त संचार करु लागला आहे. यामुळे ग्रामस्थ व लहान मुलांना घरा बाहेर पडणे धोकादायक झाले आहे. त्यामुळे वनविभागाकडून या गव्यारेड्यांचा बंदोबस्त करण्याची मागणी ग्रामस्थांकडून करण्यात येत आहे.

स्फोटक वस्तू चावल्याने गाय गंभीर जखमी

चरण्यासाठी सोडलेल्या गाईने गावठी बॉम्बसदृश्य स्फोटक वस्तू चावल्याने त्याचा गाईच्या तोंडात स्फोट होऊन गाय गंभीर जखमी झाली. ही घटना नुकतीच कुडाळ तालुक्यात घडली. बांबुळी-नेहरूनगर धनगरवाडी येथील कानोजी म्हाडदळकर यांच्या मालकीची गाय गंभीर जखमी झाली आहे. याबाबत कानोजी म्हाडदळकर यांनी अज्ञात व्यक्ति विरोधात कुडाळ पोलीस ठाण्यात तक्रार दिली आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar