विकास मिरगणे, साम टीव्ही
कळवा पोलीस ठाण्याच्या हद्दीतील खारेगाव येथे अरुंद रस्त्यावर कारचालकाचे वाहनावरील नियंत्रण सुटल्याने भीषण अपघात झाला. पार्किंगमधून कार बाहेर काढताना चालकाचा ताबा सुटला आणि अनियंत्रित कारने रस्त्यावरील तीन ते चार वाहनांना धडक दिली. या अपघातात तीन जण जखमी झाले असून, त्यापैकी एका व्यक्तीचा उपचारादरम्यान मृत्यू झाला आहे. एक जण गंभीर तर अन्य एक जण किरकोळ जखमी असल्याची माहिती आहे.
मिळालेल्या माहितीनुसार, संबंधित कारचालक आपल्या आत्येभावाकडे आला होता. त्याच ठिकाणी कार पार्क करण्यात आली होती. पार्किंगमधून कार बाहेर काढत असताना अचानक चालकाचे वाहनावरील नियंत्रण सुटले. त्यानंतर कार अनियंत्रितपणे रस्त्यावर आली आणि जवळील तीन ते चार वाहनांना धडक दिली. या धडकेत दोन ते तीन वाहनांचे नुकसान झाले आहे. या अपघातात तीन जण जखमी झाले. जखमींपैकी एका व्यक्तीचा मृत्यू झाला असून, एकाची प्रकृती गंभीर आहे, तर एका व्यक्तीला किरकोळ दुखापत झाली आहे.
अपघातातील कारचालक ३१ वर्षांचा असून तो कुरळे परिसरात राहत असल्याची प्राथमिक माहिती आहे. संबंधित कार चालकाच्या पत्नीच्या नावावर असल्याचेही समोर आले आहे. अपघातानंतर कळवा पोलिसांनी चालकाला ताब्यात घेतले असून त्याची वैद्यकीय तपासणी करण्यात आली आहे. या प्रकरणी कळवा पोलीस ठाण्यात गुन्हा दाखल करण्यात आला असून, पोलीस पुढील तपास करत आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.