पुण्यातील भीमाशंकरमधील जंगलात होणाऱ्या वृक्षतोडीवरून राज ठाकरेंनी भाजपवर जोरदार घणाघाती टीका केली. सह्याद्रीच्या कुशीत २३ प्रकल्प येणार आहेत. भीमाशंकरमधील जंगलतोडीसाठी कोणतेच कंत्राट काढण्यात आले नाही. गुजरातसाठी महाराष्ट्रात जंगलतोड केली जातेय. तोडलेली झाडं पाहून वाईट वाटलं. जंगलाच्या अंत्यसंस्कारासाठी आलोय असं वाटलं, असं राज ठाकरे म्हणालेत.
भीमाशंकरच्या जंगलात होणाऱ्या वृक्षतोडीविरोधात राज ठाकरे कर्जतमध्ये सभा घेत आहेत. यावेळी त्यांनी भाजपवर हल्लाबोल केलाय. सरकार हे जनतेच्या भावना समजून घेत नाहीये.कारण महाराष्ट्रातल्या नेत्यांच्या हातात काहीच नाहीये. गुजरातची दोन माणसं महाराष्ट्र चालवत आहेत. राज्यातील नेत्यांना सत्तेची आणि पदाची भीती आहे.
झाडं तोडली तिथे गेलो होतो, तोडलेली झाडं ही रचून ठेवली होती, हे इतकं वाईट वाटलं मी जंगलाच्या अंतिम संस्काराला आलोय. इतक्या वर्षांची ती जुनी झाडं कोणत्या तरी गुजरात्यासाठी कापून टाकली जात आहेत. या प्रकल्पाची गरज काय आहे, हा सगळ्यामागे एक षडयंत्र आहे, ते समजून घेतलं पाहिजे, गुजरातची दोन माणसं महाराष्ट्र चालवत आहेत, असंही राज ठाकरे म्हणाले.
अधिकारी पदावर बसलेले मुख्यमंत्री, उपमुख्यमंत्री असतील त्यांना केंद्रात बसलेले दोघेजण शुन्य किंमत देतात. आम्ही जे सांगितलं ते महाराष्ट्रात झालं पाहिजे, हा जमिनीचा तुकडा त्यांना दिलं पाहिजे, आम्ही जे सांगितलं ते झालं पाहिजे. विधानसभेला सांगितलं होतं, ही दोन माणसं वाटेल ते करतात. ही हिंमत येते कुठून, ही हिंमत येते तुमच्यामधून, अत्यंत जबाबदारीतून बोलतोय. आज रडत बसायचं, राजकीय पक्षाकडे जायचं, आमच्यावर अन्याय होतो. निवडणूक आली की जातीच्या नावावर धर्माच्या नावावर यांना मतदान करायचं, मग हे निवडून येणार आहे आणि पुन्हा,वरंवटा फिरवणार आणि ५ वर्ष तेच करणार आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.