Mumbai-Pune Expressway: मुंबई-पुणे एक्सप्रेस वेवर दरड कोसळली, मुंबईकडे जाणारी वाहतूक ठप्प

सचिन कदम, साम प्रतिनिधी

नेहमी वाहनांच्या गर्दीने भच्च भरलेल्या असलेल्या मुंबई-पुणे एक्सप्रेस वेवरवरील वाहतूक ठप्प झाली. खोपोलीजवळ बोरघाटात दरड कोसळल्यानं मुंबईकडे जाणारी वाहतूक ठप्प झालीय. मुंबई-पुणे एक्सप्रेस वेवरवरील मुंबई लेनवर दरड कोसळलीय. वाहतूक ठप्प झाल्यानं दरड हटवण्याचे काम युद्ध पातळीवर सुरू आहे.

गेल्या दोन दिवसापांसून राज्यात जोरदार पाऊस होत आहे. रायगडमध्ये दोन दिवसांपासून धुवाधार पाऊस सुरू आहे. हवामान खात्याने रायगड जिल्ह्याला रेड अलर्ट जाहीर केलाय. किनारपट्टी भागात पावसाचा जोर वाढलाय. वाढत्या पाण्यामुळे जनजीवन विस्कळीत झाले आहे. वाहतुकीवर परिणाम झालाय.

७ जिल्ह्यांना रेड अलर्ट

दोन दिवसांपासून राज्यभरात तुफान पाऊस सुरूय. कोकण, पुणे, सातारा, कोल्हापूरच्या घाटमाथ्यांसह सात जिल्ह्यांसाठी हवामान खात्यानं रेड अलर्ट जारी करण्यात आलाय. तर काही जिल्ह्यांमध्ये ऑरेंज अलर्ट देण्यात आला आहे. बंगालच्या उपसागरात कमी दाबाचं क्षेत्र तयार होण्याची शक्यता असल्यानं राज्यात पावसासाठी पोषक हवामान तयार झाले आहे. कोकण किनारपट्टीपासून विदर्भापर्यंत अन् घाटमाथ्यावर जोरदार ते अतिजोरदार पावसाचा अंदाज वर्तवण्यात आलाय.

पालघर जिल्ह्यात सर्व शाळा,महाविद्यालयांना सुट्टी

पालघर जिल्ह्यात हवामान विभागाने पावसाचा रेड अलर्ट दिलाय. उद्या जिल्ह्यात मुसळधार पाऊस होणार असल्याचा अंदाज हवामान विभागाने वर्तवलाय. त्यामुळे खबरदारी म्हणून जिल्हाधिकाऱ्यांना सर्व शाळांना सुट्टी जाहीर केलीय. जिल्ह्यातील अंगणवाडी, शाळा आणि महाविद्यालयांना सुट्टी जाहीर करण्यात आलीय.

गेल्या दोन दिवसांपासून रायगड जिल्ह्यात धुवाधार पाऊस सुरूय. रायगड जिल्ह्यात धुवाधार पाऊस सुरूय. किनारपट्टी भागात पावसाचा जोर वाढला असून जनजीवन विस्कळीत झाले आहे. जिल्ह्यातील नद्या नाल्यांना पूर आला असून अनेक नद्यांनी धोक्याची पातळी ओलांडलीय.