पुणे : ज्येष्ठ अभिनेते राहुल सोलापूर यांच्या अडचणीत वाढ झाली आहे. राहुल सोलापूरकर यांचं काही दिवसापूर्वी छत्रपती शिवाजी महाराजांवरील वादग्रस्त वक्तव्य व्हायरल झालं होतं. त्यानंतर त्यांनी डॉ. बाबासाहेब आंबेडकरांवर आक्षेपार्ह विधान केलं. वादग्रस्त विधानानंतर सोलापूरकर यांच्याविरोधात राज्यभरात संताप व्यक्त केला जात आहे. डॉ. बाबासाहेब आंबेडकर यांच्यावर आक्षेपार्ह विधान केल्यामुळे त्यांच्याविरोधात पोलिसांत तक्रार नोंदवण्यात आली आहे.
ज्येष्ठ अभिनेते राहुल सोलापूरकर यांच्या विरोधात पुण्यातील पर्वती पोलीस ठाण्यात तक्रार दाखल करण्यात आली आहे. राहुल सोलापूरकर यांनी डॉ. बाबासाहेब आंबेडकर यांच्या विरोधात केलेल्या वादग्रस्त वक्तव्याच्या विरोधात पुण्यातील पर्वती पोलिसांत तक्रार नोंदवण्यात आली आहे. सोलापूरकर यांना तात्काळ अटक करा, अशी मागणी या तक्रारीत करण्यात आली आहे. संभाजी ब्रिगेडने पर्वती पोलिस ठाण्यात सोलापूरकर यांच्या विरोधात तक्रार नोंदवण्यात आली आहे. सोलापूरकर यांच्या विरोधात ॲट्रॉसिटी अंतर्गतही गुन्हा नोंदवण्यात यावा, अशी मागणी देखील करण्यात आली आहे.
राहुल सोलापूरकर यांच्या विरोधात शिवसेना ठाकरे गट आक्रमक झाला आहे. राहुल सोलापूरकरांच्या प्रतिमेला जोडो मारो आंदोलन करत निषेध नोंदवण्यात आला आहे. सोलापुरातील डॉ.बाबासाहेब आंबेडकर यांच्या पुतळ्यासमोर ठाकरे गटाने आंदोलन केलं. यावेळी राहुल सोलापूरकरांच्या विरोधात जोरदार घोषणाबाजी करण्यात आली.
राहुल सोलापूरकर यांचे तोंड चपलीने फोडा आणि १ लाख बक्षीस मिळवा, अशी घोषणा ठाकरे गटाचे उपनेते शरद कोळींनी घोषणा केली आहे. तसेच मुस्लिम शिवसैनिक सत्तार यांनी राहुल सोलापूरकर यांचं तोंड फोडणाऱ्याला ५१ हजार वाढवून देण्याची घोषणा केली आहे.
मंत्री राधाकृष्ण विखे पाटील यांनीही राहुल सोलापूरकरांवर निशाणा साधला आहे. राहुल सोलापूरकर मूर्ख असून त्यांच्यावर अजामीनपात्र गुन्हा दाखल झाला पाहिजे, अशी मागणी मंत्री राधाकृष्ण विखे पाटील यांनी केली. असे केल्याशिवाय हे लोक शुद्धीवर येणार नाहीत. मुक्ताफळे उधळून स्वतःची लोकप्रियता वाढवणे हा काही लोकांचा धंदा झालाय, अशी टीकाही राधाकृष्ण विखे पाटील यांनी केली आहे.
राहुल सोलापूरकर यांच्या घराबाहेरील सुरक्षा वाढवली आहे. सोलापूरकर यांच्या घराबाहेर आंदोलन करण्यात येत आहे. हातात बाबासाहेब आंबेडकर यांचे फोटो घेऊन कार्यकर्ते पोहोचले. त्यांनी राहुल सोलापूरकर यांना अटक करण्याची मागणी केली. सोलापूरकरांच्या घराबाहेरही पोलिसांकडून चोख सुरक्षा पाहायला मिळत आहे. सोलापूरकर यांच्या घराबाहेरील दोन्ही रस्ते बंद आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.