Pune Accident : पुण्यात पुन्हा एकदा भीषण अपघात; प्रवाशांनी भरलेली कार दरीत कोसळली

सागर आव्हाड, साम टीव्ही

पुण्याच्या खेड तालुक्यातील कुंडेश्वर येथील भीषण अपघाताची घटना ताजी असतानाच पुन्हा एक धक्कादायक घटना घडली आहे. नगर-पुणे महामार्गावरील चास-कामरगाव घाट परिसरात एक कार दरीत कोसळल्याची माहिती मिळाली. चास-कामरगाव घाटात कोसळलेल्या कारमधील प्रवाशांच्या तब्येतीबाबत अद्याप माहिती मिळालेली नाही.

मिळालेल्या माहितीनुसार, कारमध्ये एक कुटुंब कारमधून प्रवास करत होते. या प्रवाशांची कार अचानक दरीत कोसळली. या अपघातातील प्रवाशांची तब्येतीबाबत अधिकृत माहिती मिळालेली नाही. अपघात अतिशय भयानक स्वरूपाचा असल्याचे प्रत्यक्षदर्शींनी सांगितलं आहे.

दरीत कोसळलेल्या कारचा चेंदामेंदा झाला आहे. अपघाताची माहिती मिळताच स्थानिकांनी घटनास्थळी धाव घेतली. स्थानिकांनी तातडीने अपघातग्रस्तांना रुग्णालयात दाखल केल्याचे सांगण्यात येत आहे.

कात्रज चौकात भीषण अपघात

पुण्यातील कात्रज चौकात भीषण अपघात झाल्याची घटना घडली. आज सकाळी ८ च्या सुमारास अपघाताची घटना घडली. या अपघातात एकाचा दुर्दैवी मृत्यू झाला आहे. तर कात्रज चौकात टेम्पोने दुचाकीस्वराला उडवल्याने अपघात झाला. या अपघातात दुचाकीस्वाराचा जागीच मृत्यू झाला आहे.