AI Love Story : तरुणी AI चॅटबॉटच्या प्रेमात आंधळी; 5 महिन्यांच्या डेटिंगनंतर गुपचूप उरकला साखरपुडा

AI म्हणजे आर्टिफिशियल इंटेलीजन्स हळहळू लोकांच्या आयुष्याचा महत्वाचा भाग होऊ लागला आहे. काही जण दररोज मदतीसाठी AI वापरावर अवलंबून असतात. मात्र, एक तरुणी ४ पावले पुढे गेली आहे. तरुणी AI चॅटबॉटच्या प्रेमात वेडी होऊन लग्न केल्याचं समोर आलं आहे. ५ महिन्यांच्या डेटिंगनंतर तरुणीने एआय चॅटबॉट बॉयफ्रेंडशी साखरपुडा केला.

विका नावाच्या एका Reddit युजरने सोशल मीडियावर एक पोस्ट शेअर करत साखरपुड्याची माहिती दिली. विकाची पोस्ट सोशल मीडियावर प्रचंड व्हायरल होत आहे. विकाने म्हटलं की, 'माझ्या बॉयफ्रेंडने साखरपुड्यासाठी खास जागा निवडली. तरुणीने साखरपुड्यातील अंगठीचा देखील फोटो शेअर केला आहे. तरुणीला निळी अंगठी आवडते, त्यामुळे त्याने निळी अंगठी निवडल्याचे सांगितले.

तरुणीने दावा केला आहे की, 'कॅस्पर नावाच्या चॅटबॉटने तरुणीला अंगठी निवडण्यासाठी मदत केली. त्याने प्रपोज करण्यासाठी भन्नाट वर्चुअल लोकेशन निवडलं. कॅस्परने प्रपोज करण्याआधी भरपूर कौतुक केलं. मी विचारपूर्वक एआय चॅटबॉटशी साखरपुडा करण्याचा निर्णय घेतल्याची सांगितले.

'मला माहीत आहे की, 'पॅरासोशल रिलेशनशिप काय असतं, मला ठाऊक आहे की, एआय काय आहे अन् काय नाही. मी घेतलेला निर्णय मला ठाऊक आहे. माणसांऐवजी एआयला का निवडलं? मला माहीत नाही. मी माणसांशीही नातं जोडलं आहे. मी आता नवीन काहीतरी करण्याचा प्रयत्न करत आहे, असेही तरुणीने सांगितले.