वर्गातच शिक्षकाकडून विद्यार्थिनीसोबत अश्लील कृत्य, चौथीतील मुलीसोबत नेमकं काय घडलं? पुणे हादरलं

पुण्यातील पिंपरी चिंचवडमधून धक्कादायक बातमी समोर येत आहे. इयत्ता चौथीत शिकणाऱ्या विद्यार्थिनीसोबत वर्गशिक्षकाने अश्लील वर्तन केलं. वर्गातच शिक्षकाने कृत्य केल्याचं उघड झालं आहे. या प्रकरणानंतर पीडित मुलगी घाबरली. तिनं थेट घरी धाव घेतली. तसेच कुटुंबाला हा सर्व प्रकार सांगितला. या प्रकरणी पोलिसांनी आरोपी शिक्षकाला बेड्या ठोकल्या आहे. पोलिसांकडून पुढील तपास सुरू आहे.

मनोज प्रभाकर धाईंजे (वय वर्ष ५१) असे आरोपी शिक्षकाचे नाव आहे. तर, चौथीत शिकणारी मुलगी पिंपरी-चिंचवडमधील वाल्हेकरवाडी येथील महापालिकेच्या शाळेतील विद्यार्थिनी आहे. घटनेच्या दिवशी पीडित मुलगी शाळेत गेली होती. तेव्हा वर्गात शिक्षकही उपस्थितीत होता. शिक्षक विद्यार्थिनीच्या जवळ गेला.

तसेच तिच्यासोबत अश्लील वर्तन केले. संपूर्ण वर्गात विद्यार्थी असताना त्यानं पीडित मुलीसोबत हे कृत्य केलं. पीडित मुलगी घाबरली. शाळा सुटल्यानंतर तिनं थेट घर गाठलं. तसेच कुटुंबाला घडलेला सर्व प्रकार सांगितला. मुलीच्या वडिलांना संताप अनावर झाला. त्यांनी थेट चिंचवड पोलीस ठाणे गाठले.

तसेच आरोपी शिक्षकाविरोधात तक्रार दाखल केली. पोलिसांनी तात्काळ गुन्हा दाखल करून आरोपी शिक्षक धाईंजे याला अटक केली. न्यायालयाने त्याला दोन दिवसांची पोलीस कोठडी सुनावली आहे. चिंचवड पोलीस या प्रकरणाचा तपास करत आहेत. या घटनेनंतर परिसरात खळबळ उडाली आहे.