पुणेकरांसाठी खुशखबर! वाहतूक कोंडीचा त्रास कमी होणार, रिंग रोड प्रकल्पाबाबत आली मोठी अपडेट

Pune Ring Road Project : एमएसआरडीसीने रिंग रोड प्रकल्पाचे बांधकाम औपचारिकरित्या सुरु केले आहे. हा प्रकल्प अंमलबजावणीच्या टप्प्यात आला आहे. रिंग रोड प्रकल्पाशी संबंधित नवी माहिती समोर आली आहे.
Pune Ring Road Project
Pune Ring Road ProjectSaam Tv
Published On

पुणे : महाराष्ट्र राज्य रस्ते विकास महामंडळ म्हणजेच एमएसआरडीसीद्वारे पुण्यातील रिंग रोड प्रकल्पाचे बांधकाम औपचारिकरित्या सुरु करण्यात आले आहे. पंतप्रधान नरेंद्र मोदी, तत्कालीन मुख्यमंत्री एकनाथ शिंदे आणि तत्कालीन उपमुख्यमंत्र्यांच्या उपस्थितीत बांधकामाचे भूमिपूजन होईल असे ठरले होते. पण भूमिपूजनाशिवायच या प्रकल्पाची सुरुवात झाली.

पुणे रिंग रोड प्रकल्प आता अंमलबजावणीच्या टप्प्यात आला आहे. वरिष्ठ अधिकाऱ्यांनी दिलेल्या माहितीनुसार, नऊ बांधकाम कंपन्यांना कंत्राट देण्यात आले आहे. अनेक ठिकाणी प्रत्यक्ष काम सुरु झाले आहे. ऑक्टोबर २०२४ मध्ये रिंग रोड प्रकल्पाचे पहिले कंत्राट देण्यात आले होते, तर शेवटचे कंत्राट जानेवारी २०२५ मध्ये दिले गेले.

Pune Ring Road Project
Corona वाढतोय, मुंबईत आढळले ८ कोव्हिड पॉझिटिव्ह रुग्ण!

एमएसआरडीसीचे पुणे विभागाचे मुख्य अभियंते राहिल वसईकर यांनी प्रकल्पाची माहिती दिली. ते म्हणाले, रिंग रोडच्या सर्व नऊ विभागांमध्ये बांधकाम एकाच वेळी सुरु झाले आहे. यामध्ये वडेबोल्हाई, खडकवासला, सिंहगड, मुळशी, उर्से, चाकण, हिंजवडी आणि सोरतापवाडी या ठिकाणांचा समावेश आहे.

Pune Ring Road Project
IPL 2025 : 3 संघांमध्ये थरारक लढत, Mumbai Indians ला कसं मिळणार प्लेऑफचं तिकीट? जाणून घ्या समीकरण

रिंग रोड प्रकल्पासाठी भूसंपादनाचे बहुतांशी काम पूर्ण झाले आहे. पश्चिम विभागासाठी आवश्यक असलेल्या सुमारे ९९ टक्के आणि पूर्व विभागासाठी ९८ टक्के जमीन संपादित करण्यात आली आहे. १६९ किलोमीटर लांबी आणि ११० मीटर रुंदी असलेल्या पुणे रिंगरोड प्रकल्पासाठी अंदाजे ४२,७११ कोटी रुपये खर्च अपेक्षित आहे.

Pune Ring Road Project
Jyoti Malhotra नंतर आणखी एका गद्दाराला अटक; पाकिस्तानसाठी हेरगिरी केल्याची दिली कबुली, मोहम्मद तारिफ नेमका आहे तरी कोण?

'महाराष्ट्र सरकारसोबत करारबद्ध झालेल्या कंपन्याना कामाचे आदेश देण्यात आले आहेत. कायदेशीर मंजुरी मिळाल्यापासून अडीच वर्षांच्या आत बांधकाम पूर्ण करावे लागेल असे करारात नमूद करण्यात आले आहे. जमीन सपाटीकरण, नदी आणि ओढ्यांवर पूल बांधणे आणि माती भरणे यासारखी सुरुवातीची कामे सध्या सुरू आहेत. पावसाळ्यामुळे काही कामे तात्पुरती थांबू शकतात, पण काम ठरलेल्या वेळापत्रकानुसार सुरु राहील', असे राहिल वसईकर यांनी म्हटले आहे.

Pune Ring Road Project
प्रसिद्ध अभिनेत्रीला Covid-19 ची लागण, सोशल मीडियावर शेअर केली धक्कादायक माहिती

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com