Pune Rape Case: 25 वर्षीय तरुणीवर सामुहिक बलात्कार; चौघांना अटक

सागर आव्हाड

पुणे : 25 वर्षीय तरुणीवर सामुहिक बलात्कार केल्याची धक्कादायक घटना पुण्याच्या दत्तवाडी परिसरात जनता वसाहतीत घडली आहे. या प्रकरणात चौघांना दत्तवाडी पोलिसांकडून अटक करण्यात आली आहे. सामुहिक बलात्काराच्या Rape घटनेमुळे प्रचंड खळबळ उडाली आहे.

हे देखील पहा-

श्रीकांत सरोदे (वय 36), आदित्य ऊर्फ सन्या पवार (वय 19), सुर्वेश जाधव (वय 36) आणि आशिष मोहिते (वय 18, सर्व रा. जनता वसाहत) अशी अटक केलेल्यांची नावे आहेत. याबाबत दत्तवाडी पोलीस ठाण्याचे वरिष्ठ पोलीस निरीक्षक कृष्णा इंदलकर krushna indalkar यांनी माहिती दिली आहे.

भारती विद्यापीठ परिसरात राहणारी एक 25 वर्षाची तरुणी स्वारगेटवरुन शुक्रवारी सायंकाळी घरी जात होती. यावेळी आरोपींपैकी एकाने तिला जनता वसाहतीत आणले व राहत्या घरात केला गॅंग रेप केला. त्यानंतर आरोपीने इतरांनाही तेथे बोलावून घेतले आणि तिच्यावर एका मागोमाग एक बलात्कार केला.

या दरम्यान, हा सर्व प्रकार सुरु असताना या तरुणीच्या रडण्याचा आवाज येत असल्याने तेथे परिसरात राहणार्‍यांना इतर लोकांना संशय आला. शेजाऱ्यांनी घराला बाहेरुन कडी लावली. आणि त्यांनी पोलिसांना कळविले. माहिती मिळताच दत्तवाडी पोलीस तातडीने घटनास्थळी पोहचले. पोलिसांनी त्या तरुणीची सुटका केली आणि आरोपींना अटक केली आहे.

Edited By-Sanika Gade