Pune Crime: बिल्डर अग्रवाल यांच्या मुलाच्या हत्या प्रकरणात मोठा खुलासा; सिया आणि चेतननं 14 जूनलाच आखला होता कट

पुण्यातील प्रसिद्ध बिल्डर अग्रवाल हत्याप्रकरणात नवीन धक्कादायक खुलासा झाला आहे. सुरुवातीला या प्रकरणाला आधी दुर्घटना समजलं जात होतं, त्यात मोठा ट्विस्ट येत हे हत्याकांड असल्याचं उघडकीस आलं आहे. केतनची हत्या तिची होणारी बायको आणि तिचा प्रियकर चेतन यांनीच त्याची हत्या केल्याची बाब उघडकीस आली आहे. चेतन आणि सिया यांनी केतनला मारण्याची प्लॅन आधीही रचला होता, असा धक्कादायक खुलासा केतनच्या कुटुंबियांनी केलाय.

जून १४ ला आखला होता हत्येचा कट

केतन अग्रवाल याचे वडील विशाल अग्रवाल यांनी दावा केला की, सुरुवातीला आम्हाला हा अपघात वाटला होता. कारण सियाने त्यांनी चुकीची माहिती दिली होती. केतनचा पाय घसरला आणि दरीत कोसळला, त्यात त्याचा मृत्यू झाल्याचं सांगितलं होतं. परंतु तिच्या वर्तनावरून आणि विधानातील विरोधाभास पाहता कुटुंबियांना हत्येचा संशय आला. याआधीही सियानं केतनला दरीत ढकलण्याचा प्रयत्न केला होता. मात्र त्यावेळ एका झाडामुळे तो वाचला होता. त्यावेळी सियाने सांगितलं होतं की, ती केतनाला सर्पदंशापासून वाचवत होती.

असं उलडलं हत्येचं गूढ

पुणे ग्रामीणचे पोलीस अधीक्षक संदीप सिंग गिल यांनी दिलेल्या माहितीनुसार सिया गोयल आणि केतन अग्रवाल १८ जूनच्या सकाळी लोहगड किल्ल्यावर गेले होते. तिथे असताना केतन अचानक सुमारे ४०० फूट खोल दरीत पडला. त्यानंतर सियाने पोलिसांना माहिती दिली की, छायाचित्रे काढत असताना केतनचा पाय घसरला आणि तो किल्ल्यावरून खाली पडला, ज्यामुळे त्याचा मृत्यू झाला.

त्यानंतर केतनच्या कुटुंबियांनी आणि त्यांच्या मित्रांनी पोलिसांना दिलेल्या माहितीवरून पोलिसांना हत्येचा संशय येऊ लागला. एका अनुभवी ट्रेकरचा अशा अपघातात बळी जाणे पोलिसांना खटकत होतं. कुटुंबानेही या घटनेबाबत प्रश्न उपस्थित केले, त्यानंतर पोलिसांनी सखोल तपास सुरू केला.

सुरुवातीच्या तपासात पोलिसांना हा अपघात वाटला. परंतु तपासात पोलिसांना काही धागेदोरे लागले ज्यामुळे त्यांना ही हत्या असल्याचं वाटू लागलं. त्यानंतर पोलिसांनी लोहगडावरील सीसीटीव्ही फुटेज तपासण्यास सुरुवात केली. त्यात त्यांना एक तरुण दिसला त्याच्या हालचाली या संशयास्पद वाटल्या. पोलिसांनी त्याची चौकशी सुरू केली. तपासात तो सियाचा प्रेमी असल्याचं उघडकीस आलं.

पोलीस अधीक्षक गिल यांच्या माहितीनुसार, गुप्त खबऱ्यांकडून मिळालेली माहिती आणि प्रत्यक्षदर्शींचे जबाब आणि तांत्रिक पुरावे यांच्या आधारे याप्रकरणात नवा खुलासा झाला. सिया गोयल आणि लोहगडावरील सीसीटीव्हीत दिसलेल्या तरुणाचे प्रेम संबंध असल्याचं गोष्ट समोर आली. त्याचे नाव चेतन चौधरी असून ते एका वर्षापासून त्यांचे प्रेम प्रकरण चालू होते. त्या दोघांनी केतनची हत्या करण्याचा कट रचून त्याला लोहगड किल्ल्यावरील एका दरीत ढकलून दिलं होतं.

पोलीस अधीक्षक गिल यांच्या माहितीनुसार, गुप्त खबऱ्यांकडून मिळालेली माहिती आणि प्रत्यक्षदर्शींचे जबाब आणि तांत्रिक पुरावे यांच्या आधारे याप्रकरणात नवा खुलासा झाला. सिया गोयल आणि लोहगडावरील सीसीटीव्हीत दिसलेल्या तरुणाचे प्रेमसंबंध असल्याचं गोष्ट समोर आली. त्याचे नाव चेतन चौधरी असून ते एका वर्षापासून त्यांचे प्रेम प्रकरण चालू होते. त्या दोघांनी केतनची हत्या करण्याचा कट रचून त्याला लोहगड किल्ल्यावरील एका दरीत ढकलून दिलं होतं.