Pune News: पुण्यात कुरिअरद्वारे ड्रग्जची विक्री, १ कोटींचा साठा जप्त, तिघे अटकेत

सचिन जाधव, पुणे

पुणे ड्रग्ज प्रकरणात (Pune Drugs Case) पोलिसांनी मोठी कारवाई केली आहे. याप्रकरणात आणखी एकाला पोलिसांनी अटक केली आहे. अटक केलेला आरोपी कुरिअरद्वारे ड्रग्ज विकत असल्याची माहिती उघड झाली आहे. आरोपी पुणे शहरासह पुण्याच्या बाहेर देखील ड्रग्जची विक्री करत होता. विश्रांतीवाडीतून आरोपीला अटक करण्यात आली असून त्याच्याकडून मोठा ड्रग्जचा साठा जप्त करण्यात आला आहे. याप्रकरणी तिघांना अटक करण्यात आली आहे.

मिळालेल्या माहितीनुसार, पुणे ड्रग्स प्रकरणात आणखी एका आरोपीला पुणे पोलिसांनी अटक केली. अटक केलेला आरोपी कुरिअरने ड्रग्स विकत असल्याची माहिती उघड झाली आहे. गेल्या अनेक दिवसांपासून हा आरोपी कुरिअरने ड्रग्सचा पुरवठा करत होता. आरोपीकडून कुरिअर सेवेच्या माध्यमातून ड्रग्सची विक्री सुरू होती. पुणे शहरासह पुण्याच्या बाहेर देखील आरोपी कुरिअरने ड्रग्ज विकत होता.

विश्वनाथ कोनापूरे असे अटक करण्यात आलेल्या आरोपीचे नाव आहे. पुण्यातील विश्रांतवाडी येथून पुणे पोलिसांच्या गुन्हे शाखेने त्याला अटक केली आणि त्याच्याकडून तब्बल १ कोटी रुपयांचा ड्रग्सचा साठा जप्त केली. याप्रकरणी ड्रग्स विकत असताना एकूण तीन आरोपींना पुणे पोलिसांनी अटक केली. अटकेत असलेल्या आरोपींकडे चौकशी सुरू असताना एक आरोपी अनेक ठिकाणी कुरिअरने ड्रग्स पाठवत असल्याची माहिती उघड झाली होती. त्याआधारे पोलिसांनी विश्वनाथ कोनापूरेला अटक करत मोठी कारवाई केली.