Pune Crime News: उसने घेतलेले पैसे परत न दिल्याने सावकाराचं भयानक कृत्य, पतीसमोरच केला पत्नीवर अत्याचार, पुण्यातील संतापजनक घटना

Pune News: पुण्यामध्ये दिवसेंदिवस गुन्हेगारीच्या (Pune Crime) धक्कादायक घटना समोर येत आहेत. अशामध्ये आता पुण्यामध्ये खासगी सावकाराने एका महिलेवर तिच्या पतीसमोर बलात्कार केल्याची धक्कादायक घटना समोर आली आहे. उसने पैसे पती परत देऊ शकला नाही म्हणून सावकाराने हे भयानक कृत्य केले आहे. या सावकाराला पोलिसांनी अटक केली आहे. या घटनेने पुणे हादरले आहे.

मिळालेल्या माहितीनुसार, पुण्यामध्ये उसने पैसे परत देऊन न शकल्यामुळे खासगी सावकाराने एका व्यक्तीच्या पत्नीवर बलात्कार केला आहे. या सावकाराने या व्यक्तीच्या समोरच त्याच्या पत्नीवर बलात्कार केला आहे. पुण्यातील हडपसर परिसरात फेब्रुवारी 2023 मध्ये ही घटना घडली होती. मात्र मंगळवारी 34 वर्षीय विवाहित महिलेने विवाहित महिलेने या प्रकरणी हडपसर पोलीस ठाण्यात तक्रार दिल्याने हा सगळा प्रकार उघडकीस आला आहे. या प्रकरणी पोलिसांनी आरोपी इम्तियाज हसीन शेख याला अटक केली आहे.

पीडित महिलेच्या पतीला आरोपीने उसने पैसे दिले होते. उधारी वर घेतलेले हे पैसे फिर्यादीचा पती परत करू शकला नाही. त्यामुळे आरोपीने फिर्यादी आणि तिच्या पतीला जीवे मारण्याची धमकी दिली. आरोपीने या पती आणि पत्नीला भेटायला बोलावले. त्यानंतर आरोपीने फिर्यादीच्या पतीला समोर बसून चाकूचा धाक दाखवून ठार मारण्याची धमकी दिली. त्यानंतर आरोपीने फिर्यादीसोबत जबरदस्तीने शरीर संबंध ठेवले.

आरोपीने या संपूर्ण घटनेचा व्हिडिओ आपल्या मोबाईलमध्ये शूट केला होता आणि सोशल मीडियावर व्हायरल केला होता. फेब्रुवारीमध्ये घडलेल्या या घटनेप्रकरणी पीडित महिलेने हडपसर पोलीस ठाण्यात मंगळवारी धाव घेत आरोपीविरोधात तक्रार दाखल केली. पोलिसांनी या तक्रारीवरुन इम्तियाज हसीन शेखविरोधात गुन्हा दाखल केला आणि त्याला अटक केली. या घटनेमुळे पुण्यामध्ये खळबळ उडाली आहे.