संतापजनक! पुणे रेल्वे स्टेशनवर मध्यरात्री ४ वर्षीय मुलीवर अत्याचार

सचिन जाधव, साम टीव्ही

पुणे : पुण्यात धक्कादायक घटना उघडकीस आली आहे. पुणे रेल्वे स्टेशनवर ४ वर्षीय मुलीवर अत्याचार झाल्याची घटना घडली आहे. ५ दिवसानंतर हा धक्कादायक प्रकार उजेडात आला आहे. पोलिसांनी आरोपीला अटक केली असून पुढील कारवाईला सुरुवात करण्यात आली आहे.

मिळालेल्या माहितीनुसार, पुणे रेल्वे स्टेशनवर ४ वर्षे अल्पवयीन मुलीवर लैंगिक अत्याचाराची घटना घटना घडली. रेल्वे स्टेशनवर 17 फेब्रुवारी रोजी ४ वर्षीय मुलीवर अत्याचाराची घटना घडली. नराधमांनी रेल्वे स्टेशनवर फ्लॅटफॉर्म क्रमांक तीन आणि दोन वरून घेऊन गेले. त्यानंतर तिथेच मध्यरात्री मुलीवर लैंगिक अत्याचार केला.

नेमकं काय घडलं?

अल्पवयीन मुलीची आई,वडील आणि मुलगी प्लॅटफॉर्मवर झोपली होती. त्यावेळी दोघांनी फसवून मुलीला घेऊन स्टेशनच्या आवारात अत्याचार केला. मुलीला चॉकलेट,बिस्कीट खाण्याच्या आमिष दाखवून आरोपीकडून लैंगिक अत्याचार केला, असा आरोप आरोपींवर आहे. मुलगी आणि आरोपी दोघेही परप्रांतीय असून लोहमार्ग पोलिसांनी एका आरोपीला पकडलेलं आहे.

लोहमार्ग पोलिसांनी या संदर्भात अधिक तपास करत आहेत. आरोपीला कोर्टात हजर करून अटक केली आहे. याबाबत अजून काही आरोपीचा तपास पोलीस करत आहेत. मुलीवर अत्याचार झाल्याने महिला सुरक्षेचा प्रश्न ऐरणीवर आला आहे. प्रवासी आणि नागरिकांकडून आरोपींवर कठोर कारवाईची मागणी केली जात आहे.