ऐकलतं...मराठा आरक्षणाच्या आंदोलनामुळे राजकीय वातावरण तापलयं. अशातच आता गृहराज्य मंत्री पंकज भोयर यांनी जरांगेंच्या आंदोलनाला रसद पुरवली जात असल्याचा गौप्यस्फोट केलाय. तर सुप्रिया सुळेंनी रसद पुरवणाऱ्यांची यादी मागत सरकारवर हल्लाबोल केलाय.
मुख्यमंत्र्यांनीही मराठा आंदोलनाआडून राजकीय पोळी भाजण्याचा प्रयत्न सुरु असल्याचा हल्लाबोल केला होता. दुसरीकडे राज ठाकरेंनीही जरांगेंच्या आंदोलनाला रसद पुरवली जात असल्याचे संकेत देत एकनाथ शिंदेंकडे बोट दाखवलंय. एवढंच नाही तर मंत्री नितेश राणेंनीही रोहित पवारांचं नाव घेत जरांगेंवर निशाणा साधलाय.
जरागेंच्या आंदोलनाला गावखेड्यातील मराठ्यांचा पाठिंबा मिळतोय. चटणी भाकरीपासून ते दैनंदिन वापराच्या वस्तूपर्यंत सगळ्याच गोष्टींची रसद ग्रामीण भागातून मुंबईत येतेय. मात्र आंदोलनाला राजकीय रसद पुरवली जात असल्याचा आरोप झाल्याने आता नवा वाद पेटण्याची चिन्हं आहेत.
'आंदोलनाला रसद पुरवली जातेय', असा आरोप गृहराज्यमंत्र्यांनी केला. गृहराज्यमंत्र्यांच्या आरोपानंतर रसद पुरवणाऱ्यांची नावे जाहीर करा, असं आव्हान सुप्रिया सुळेंनी केलं.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.