Video Call करणा-या दुकानदारास महिलांनी चाेपले; पुष्पराजवर विनयभंगाचा गुन्हा

बदलापुर : बदलापुरात (badlapur) एका दुकानदाराला महिलांनी (women) दुकानात घुसून मारहाण केली आहे. हा दुकानदार त्याच्या दुकानात आलेल्या महिलांकडून मोबाईल नंबर (mobile number) घ्यायचा आणि नंतर त्यांना व्हिडिओ कॉल (video call) करून त्रास द्यायचा अशी तक्रार समोर आली होती. दरम्यान चाेप दिलेल्या दुकानादारावर पाेलिसांनी (police) विनयभंगाचा गुन्हा दाखल केला आहे. (badlapur latest crime news)

याबाबत पाेलिसांनी दिलेली माहिती अशी : बदलापूरच्या पश्चिम भागातील आशीर्वाद हॉस्पिटल समोर अनामिका नोवेल्टी नावाचं स्टेशनरी शॉप आहे. या दुकानात आलेल्या महिलांकडून दुकानदार पुष्पराज परिहार हा त्यांचे नंबर काहीतरी निमित्ताने घ्यायचा आणि नंबर सेव्ह करून ठेवायचा.

त्यानंतर या महिलांना व्हिडिओ कॉल करून पुष्पराज त्रास द्यायचा अशा काही तक्रारी समोर आल्या होत्या. त्यामुळे स्थानिक महिलांनी रविवारी संध्याकाळी पुष्पराज याला दुकानात जाऊन चोप दिला. तसेच माफी मागायला भाग पाडलं. यानंतर महिलांनी त्यास पोलिसांच्या ताब्यात दिलं. पुष्पराज याच्या विरोधात महिलांच्या तक्रारीनूसार विनयभंगाचा गुन्हा दाखल करण्यात आला आहे अशी माहिती पाेलिसांनी दिली.

Edited By : Siddharth Latkar