थरारक! तरुण रेल्वे ट्रॅकवर डोके ठेवून झोपला, तितक्यात ट्रेन आली अन्...; CSMT स्टेशनवरील धक्कादायक प्रकार, VIDEO

मयूर राणे, साम टीव्ही

छत्रपती शिवाजी महाराज टर्मिनस स्टेशनवर धक्कादायक घटना घडली. एक तरुण थेट स्टेशनवर ट्रॅकवर जाऊन झोपला. तरुण थेट ट्रॅकवर जाऊन झोपल्याने प्रवाशांची एक धांदल उडाली. तरुण झोपलेल्या ट्रॅकवर अचानक ट्रेन आल्याने प्रवाशांची एकच धावाधाव झाली. प्रवाशांनी मोटरमनला आवाज देत गाडी थांबवण्यास सांगितली. त्यामुळे मोठी दुर्घटना टळली.

गजबजलेल्या छत्रपती शिवाजी महाराज टर्मिनस तरुण झोपलेल्या ट्रॅकवर लोकल गाडी येत असल्याने काही क्षणांसाठी स्थानकावर तणावाचे वातावरण निर्माण झालं होतं. काही सजग प्रवाशांनी तातडीने ही घटना पोलिसांना सांगितली. त्यानंतर तात्काळ रेल्वे पोलीस घटनास्थळी पोहोचले. परिस्थितीचं गांभीर्य लक्षात घेत रेल्वे पोलिसांनी संबंधित व्यक्तीला सुरक्षितरित्या ताब्यात घेतलं. त्यामुळे संभाव्य अपघात टळला आणि स्टेशनवर मोठी दुर्घटना घडली नाही.

या धक्कादायक घटनेनंतर काही काळ प्लॅटफॉर्मवरील हालचालींवर नियंत्रण ठेवण्यात आले होते. रेल्वे पोलिसांकडून संबंधित व्यक्तीची सुरू केली आहे. प्लॅटफॉर्मवर कसा पोहोचला, याचाही तपास केला जात आहे.

तरुण दारूच्या नशेत?

व्हिडिओमध्ये ट्रॅकवर झोपलेला तरुण दारूच्या नशेत होता. तसेच स्टेशन परिसरात भिक्षा मागणारा तरुण असण्याची शक्यता व्यक्त करण्यात येत आहे. पोलिसांकडून त्याची चौकशी सुरू आहे. पोलीस चौकशी पूर्ण झाल्यानंतर या तरुणाविषयी अधिकृत माहिती समोर येईल. परंतु ट्रेन आल्यानंतर पोलिसांनी तातडीने त्याला ट्रॅकमधून बाहेर काढले. त्यामुळे मोठी दुर्घटना टळली आहे.

तरुणावर गुन्हा दाखल

तरुण दुपारी 3 वाजल्याच्या सुमारास फ्लॅटफॉर्म क्रमांक एकवर मद्यधुंद अवस्थेत रेल्वे रुळावर झोपला होता. या तरुणामुळे काही वेळ रेल्वे विस्कळीत झाली. या प्रकरणी या तरुणावर रेल्वे कायदा, कलम 145 अंतर्गत गुन्हा दाखल केला आहे