BJP Shares Bal Thackeray Speech On Lalu Prasad Yadav: बिहारचे मुख्यमंत्री नितीश कुमार यांच्या नेतृत्वात विरोधी पक्षांच्या बैठकीसाठी महाराष्ट्रातील नेत्यांसह शिवसेना (उद्धव बाळासाहेब ठाकरे) नेते आणि माजी मुख्यमंत्री उद्धव ठाकरे पाटणा येथे गेले आहेत. यावरून भाजप नेत्यांनी टीकेची झोड उठवली आहे. तर दुसरीकडे शिवसेनाप्रमुख दिवंगत बाळासाहेब ठाकरे यांचा जुना व्हिडिओ सोशल मीडियावर व्हायरल होत आहे. (Latest Marathi News)
बिहारचे मुख्यमंत्री नितीश कुमार (Nitish Kumar) यांच्या नेतृत्वात पाटणा येथे विरोधी पक्षांची बैठक होत आहे. या बैठकीसाठी महाराष्ट्रातून राष्ट्रवादी काँग्रेसचे सर्वेसर्वा शरद पवार, सुप्रिया सुळे, उद्धव ठाकरे आणि संजय राऊत हे नेते पाटण्यात पोहोचले आहेत. भाजपविरोधात ही एकजूट असल्याचे विरोधी पक्षांच्या नेत्यांकडून सांगितले जात आहे. तर या बैठकीवरून भाजपच्या नेत्यांनी महाविकास आघाडीच्या नेत्यांवर टीकेची झोड उठवली आहे.
भाजपच्या नेत्या चित्रा वाघ यांनी उद्धव ठाकरेंवर निशाणा साधला आहे. त्यांनी शिवसेनाप्रमुख बाळासाहेब ठाकरे यांच्या भाषणाचा जुना व्हिडिओ ट्विट केला आहे. उद्धवजी बाळासाहेबांचा हा व्हिडिओ पाहा… यात बाळासाहेबांनी लालूप्रसाद यादव यांना काय म्हटलं होतं ते ऐका. तुम्ही बाळासाहेबांच्या विचारांना तिलांजली कशी दिलीय ते समजेल, असे चित्रा वाघ म्हणाल्या. देवेंद्र फडणवीस हे उगाच तुम्हाला म्हणाले नाहीत की, खरंच काय होतास तू, काय झालास तू? असा त्यांनी टोलाही लगावला. (Maharashtra Politics)
पाटण्यातील विरोधी पक्षांच्या बैठकीवरून उपमुख्यमंत्री आणि भाजपचे नेते देवेंद्र फडणवीस यांनीही नेम साधला आहे. 'विरोधकांची मोदी हटाव बैठक नव्हे तर कुटुंब बचाव बैठक आहे, अशी जोरदार टीका फडणवीस यांनी केली.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.