पिंपरी-चिंचवड : राष्ट्रीय अनुसुचित जनजाती आयोगाने पिंपरी-चिंचवड महापालिका आयुक्त राजेश पाटील यांची चौकशी करून त्यांच्यावर कारवाई करण्याचे आदेश दिले आहेत. महापालिकेच्या सफाई कामगारांशी असभ्य भाषेत तोंडी संवाद साधल्या प्रकरणी महापालिका आयुक्त राजेश पाटील यांची पुढील तीस दिवसात चौकशी करून कारवाई करण्यात यावी असे आदेश राष्ट्रीय अनुसूचित जनजाती आयोगाने दिले आहेत.
हे देखील पहा :
पुण्याचे विभागीय आयुक्त सौरव राव आणि राज्य शासनाला लेखी पत्र पाठवून महापालिका आयुक्त राजेश पाटील यांची चौकशी आणि कारवाई करण्यात यावी अशा सूचना राष्ट्रीय अनुसूचित जनजाती आयोगाने दिल्या आहेत.
2021 च्या जुलै महिन्यात पिंपरी-चिंचवड महापालिकेतील सफाई कामगार त्यांच्या विविध प्रश्नांवरील चर्चेसाठी महापालिका आयुक्त राजेश पाटील यांच्याकडे गेले होते. त्या चर्चेदरम्यान आयुक्त राजेश पाटील यांनी सफाई कामगारांशी असभ्य तसेच कठोर भाषेत संवाद साधला असा आरोप विधिज्ञ सागर चरण यांनी केला आहे. ऍड.सागर चरण यांच्या तक्रारीवरून राष्ट्रीय अनुसूचित जनजाती आयोगाने आयुक्त राजेश पाटील यांच्यावर कारवाई करण्याच्या सूचना दिल्या आहेत.
Edited By : Krushnarav Sathe
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.