भाजपनं थेट शिंदेंच्या बालेकिल्ल्यात घुसखोरी करत सत्ता मिळवली.
अंबरनाथ आणि बदलापूर नगरपालिकेत शिंदेसेनेला मोठा धक्का बसला.
गेल्या २५ वर्षांची शिवसेनेची सत्ता भाजपनं उलथवून लावली.
नगरपालिकांच्या निवडणुकीत भाजपपाठोपाठ शिंदेसेनेने मुसंडी मारत गुलाल उधळला. पण खुद्द शिंदेंच्या बालेकिल्यात मात्र भाजपनं सत्ता हिसकावून घेतलीय. ठाणे जिल्ह्यातील अंबरनाथ आणि बदलापूर हा शिवसेनेचा बालेकिल्ला राहिलाय.गेल्या 25 वर्षांपासून इथे शिवसेनेची एकहाती सत्ता होती. शिंदेसेनेनंही तिथं आपलं चांगलचं वर्चस्व प्रस्थापित केलं होतं. मात्र आता शिंदेसेनेचा अंबरनाथ आणि बदलापूरचा हाच बालेकिल्ला ढासळायला लागलाय.
भाजपच्या तेजश्री करंजुळे यांनी शिंदेंच्या बालेकिल्ल्याला सुरुंग लावत. दणदणीत विजय मिळवलाय. तर दुसरीकडे बदलापूर कुळगाव नगरपरिषदेत शिंदेसेनेला जोरदार धक्का बसलाय.तिथे भाजपच्या रुचिता घोरपडेंनी शिंदेसेनेच्या वीणा म्हात्रेंना पराभवाची धूळ चारलीय.
नगरपरिषदेची निवडणूक जाहीर झाल्यानंतर एकनाथ शिंदे यांनी पायाला भिंगरी लावल्याप्रमाणे राज्यभरात फिरुन प्रचार केला होता. त्यामुळे ठाण्याला लागून असलेल्या अंबरनाथ आणि बदलापूर नगरपरिषदांच्या निवडणुकीची जबाबदारी श्रीकांत शिंदे यांच्याकडे होती. या दोन्ही नगरपरिषदा श्रीकांत शिंदे यांच्या कल्याण लोकसभा मतदारसंघात येतात. त्यामुळे याठिकाणी श्रीकांत शिंदे यांची प्रतिष्ठा पणाला लागली होती. मात्र मित्रपक्ष असणाऱ्या भाजपनंही शिंदेच्या अभेद्य अशा गडात प्रवेश केल्यानं शिंदेसेनेपुढे मोठं आव्हानं निर्माण झालाय.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.