सचिन गाड, मुंबई
मुंबईतून पुन्हा एकदा गोळीबाराची घटना समोर आली आहे. मुंबईच्या सायन कोळीवाडा परिसरात गोळीबार झाल्याची घटना घडली आहे. पॅरोलवर सुटून आलेल्या इसमाने गोळीबार केला आहे. या घटनेने परिसरात खळबळ उडाली आहे.
मिळालेल्या माहितीनुसार, मुंबईतील सायन कोळीवाडा चर्च परिसरात गोळीबार झाल्याची माहिती हाती आली आहे. पॅरोलवर सुटून आलेल्या व्यक्तीने गोळीबार केल्याची माहिती मिळत आहे. पैशांच्या मागणीसाठी गोळीबार केल्याची माहिती मिळत आहे. या गोळीबार प्रकरणी अँटॉप हिल पोलीस आणि गुन्हे शाखेने तपासाला सुरुवात केली आहे.
मुंबईच्या सायन कोळीवाडा चर्च परिसरात पैशांच्या व्यवहारातून आरोपी आणि पीडित व्यक्तीमध्ये भांडण झालं. या दोघांमधील भांडण टोकाला पोहोचलं. त्यानंतर आरोपीने पीडित व्यक्तीवर गोळीबार केला. या गोळीबाराच्या घटनेत पीडित व्यक्ती जखमी झाला. या घटनेतील पीडित व्यक्तीला सायन रुग्णालयात दाखल करण्यात आलं आहे. शनिवारी पहाटे झालेल्या घटनेने परिसरात खळबळ माजली आहे.
तत्पूर्वी, या गोळीबार प्रकरणी अँटॉप हिल प्रकरणी आरोपीविरुद्ध भादंवि कलम ३०७ आणि शस्त्रास्त्र कायद्याच्या संबंधित कलमांतर्गत गुन्हा नोंद करण्यात आला आहे. पोलिसांनी आरोपीचा शोध सुरु केला आहे. या आरोपीला बेड्या ठोकण्यासाठी गुन्हे शाखेच्या अधिकाऱ्यांनी स्वतंत्र पथक तयार केल्याची माहिती मिळत आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.