Mumbai Pune Expressway Traffic Update : मुंबई-पुणे एक्स्प्रेस वेवरील मुंबईकडील मार्गिका उद्या २ तास बंद

Mumbai Pune Expressway Traffic News In Marathi : मुंबई-पुणे द्रुतगती महामार्गावरील वाहतुकीबाबत मोठी अपडेट आहे. मुंबई-पुणे एक्स्प्रेसवरील मुंबईकडील मार्गिका (लेन) उद्या, गुरुवारी (27 जुलै 2023) दोन तास बंद राहणार आहे. द्रुतगती महामार्गालगत डोंगरावर दगड अडकले आहेत. ते काढण्यासाठी ही मार्गिका बंद राहणार आहे.

मुंबई - पुणे एक्स्प्रेस वेवरील मुंबईकडील लेन उद्या, गुरुवारी दोन तास बंद राहणार आहे. बोरघाट महामार्ग पोलीस केंद्राचे सहायक पोलीस निरीक्षक योगेश भोसले यांनी ही माहिती दिली. २३ जुलैला आडोशी बोगद्याजवळ दरड कोसळून दगड-मातीचा ढिगारा थेट रस्त्यावर आला होता. त्यामुळे या मार्गावरील वाहतूक काही काळ बंद झाली होती.

दरड कोसळल्यानंतर काही दगड अधांतरी अडकले होते. ते दगड पाडण्यासाठी उद्या, गुरुवारी मुंबई-पुणे एक्स्प्रेस वेवरील मुंबईकडील लेन दोन तास बंद राहणार आहे. उद्या दुपारी १२ ते २ या वेळेत या लेनवरील वाहतूक बंद राहील. या कालावधीत रस्त्याच्या कडेला असलेल्या डोंगरावरील अडकलेले दगड काढण्यात येणार आहेत. केवळ कारच्या वाहतुकीसाठी जुना पुणे-मुंबई महामार्ग शिंग्रोबा घाटातून वाहतूक सुरू राहणार आहे. (Latest Marathi News)

दरम्यान, रविवारी रात्रीच्या सुमारास महामार्गावरील आडोशी बोगद्याजवळ दरड कोसळली होती. त्यामुळे मुंबईकडे जाणाऱ्या तिन्ही लेन बंद करण्यात आल्या होत्या. त्यानंतर पहाटे अडीचपर्यंत दरड हटवण्यात आली होती. त्यानंतर दोन लेन सुरू करण्यात आल्या होत्या.