Mumbai Powai Hostage: पवईत २० मुलांना ओलिस ठेवणारा आरोपी कोण? आरोपीचं पुणे कनेक्शन

मुंबईमधील पवईमध्ये एका इमारतीमध्ये २० मुलांना डांबून ठेवल्याची खळबळजनक घटना घडल्याचे समोर आली आहे. दिवसाढवळ्या मुलांना ओलीस ठेवण्यात आलंय. ही घटना आर ए स्टूडियोमध्ये घडलीय. या स्टूडिओच्या पहिल्या मजल्यावर अभिनयाचे क्लास घेतले जातात. मिळालेल्या माहितीनुसार ऑडिशनसाठी मुलांना बोलवलं होतं. दरम्यान २० मुलांना ओलीस ठेवणारा आरोपी कोण? याबाबत खुलासा झालाय.

समोर आलेल्या माहितीनुसार येथे १०० मुलं ऑडिशनसाठी आले होते. यातील १५ ते २० मुलांना एका व्यक्तीनं एका खोलीत डांबवून ठेवलं होतं. मुलांना ओलीस ठेवणारा हा व्यक्ती याच स्टूडिओमध्ये काम करत होता. तो यूट्यूब चॅनल चालवत होता. त्याचे नाव रोहित आर्य असल्याचे सांगितले जात आहे.

मुलांना बंधक बनवल्याची बाब उघडकीस आल्यानंतर मुंबई पोलिसांना घटनास्थळी धाव घेतली. पोलिसांनी मुलांना डांबवून ठेवलेल्या स्टुडिओला चहु बाजुंनी घेरलं आणि मुलांना कसं सोडवलं जावं याची रणनिती बनवली. बंधक बनवणारा व्यक्ती हा मानसिकदृष्ट्या आजारी असल्याची माहिती वरिष्ठ पोलिस अधिकाऱ्यांनी दिलीय.

रोहित आर्य हा एक सरकारी कंत्राटदार होता. शिक्षण खात्याचे २ कोटी रुपयांची बिल थकवले. रोहित आर्यानं दीपक केसरकर यांच्यावर आरोप केलेत. या बिलासाठी रोहित आर्यनं केसरकर हे शालेय शिक्षणमंत्री असताना उपोषण केलं होतं.

पीएलसी स्वच्छ मॉनिटर प्रकल्पाचे बिल थकल्यानं त्याने उपोषण केलं होतं. याबाबत दीपक केसरकर यांनी प्रतिक्रिया दिलीय. माझी शाळी सुंदर शाळा या सरकारच्या उपक्रमात रोहित आर्य सहभागी होता. त्याला आपण स्वत: पैसे दिले होते अशी प्रतिक्रिया दिलीय.