Protest against Shah Rukh Khan: ऑनलाइन जुगाराची जाहिरात करणाऱ्या शाहरुख खानच्या विरोधात आंदोलन; 'मन्नत' बाहेर पोलिसांचा तगडा बंदोबस्त

संजय गडदे

Protest against Shah Rukh Khan:

ऑनलाइन जुगार अॅपचे धुमाकूळ घातला आहे. या अॅपच्या माध्यमातून पैशे जिंकण्याचे आमिष दाखवले जाते. या ऑनलाइन जुगारामुळे अनेक जण पैसे हरतात. ऑनलाइन जुगार अॅपमध्ये पैसे हरल्याने अनेक तरुण जीवनही संपवतात. याच ऑनलाइन जुगार अॅपची अनेक सिनेअभिनेते जाहिरात करतात. या ऑनलाइन जुगार अॅपची जाहिरात करणाऱ्या शाहरुख खानच्या विरोधात अनटच इंडिया फाउंडेशन संस्थेच्या वतीने आंदोलन करण्यात आलं. (Latest Marathi News)

ऑनलाइन जुगाराची जाहिरात करणाऱ्या बॉलीवूड अभिनेता शाहरुख खानच्या घराबाहेर आंदोलन करण्यात आले. ऑनलाइन जुगाराच्या जाहिरातीला विरोध करण्यासाठी हे आंदोलन करण्यात आले.

अनटच इंडिया फाउंडेशन संस्थेच्या वतीने वांद्रे पश्चिमेकडील बँड स्टॅन्ड परिसरातील मन्नत या शाहरुख खानच्या घराबाहेर आंदोलन करण्यात आलं. गळ्यात भगवा गमछा घालून आंदोलन करण्यासाठी आलेल्या कार्यकर्त्यांना यावेळी वांद्रे पोलिसांनी ताब्यात घेतले आहे.

शाहरुख खान, अजय देवगण आणि हृतिक रोशन असे अनेक बॉलीवूड अभिनेते ऑनलाइन जुगाराच्या अॅपची जाहिरात करत आहेत.या अभिनेत्यांना अनेक जण खऱ्या आयुष्यात हिरो मानतात. यातील अनेक जण त्यांचे अनुकरण देखील करत असतात.

या अभिनेत्यांकडून ऑनलाइन जुगाराची जाहिरात केली जात असल्याने अनेक जण या खेळात गुरफटले आहेत. परिणामी अनेक जणांचे नुकसान देखील झाले. त्यामुळे अनटच इंडिया फाउंडेशन संस्थेच्या वतीने शाहरुख खानच्या मनात बंगल्याबाहेर आंदोलन करण्यात आले. या संस्थेचं आंदोलन सुरू असतानाच वांद्रे पोलिसांनी सर्व आंदोलकांना ताब्यात घेऊन वांद्रे पोलीस ठाण्यात नेले आहे.