मुंबई : मुंबई लोकसभा मतदारसंघातील निकाल हाती आले आहेत. मुंबईतील वायव्य मुंबई लोकसभा मतदारसंघात शिंदे गटाचे रवींद्र वायकर विजयी झाले आहेत. वायकरांच्या विजयाने ठाकरे गटाला मोठा धक्का बसला आहे. रवींद्र वायकर अवघ्या ४८ मतांनी विजयी झाले आहेत.
उत्तर पश्चिम मुंबई लोकसभा मतदारसंघातील निवडणुकीचा निकाल जाहीर झाला. उत्तर पश्चिम मुंबई लोकसभा मतदारसंघातील अतितटीच्या निवडणुकीत शिंदे गटाचे रविंद्र वायकर यांचा निसटता विजय झाला. रविंद्र वायकर यांचा अवघ्या ४८ मतांनी विजय प्राप्त केला. त्यांनी ठाकरे गटाच्या अमोल कीर्तिकरांचा पराभव केला.
या मतदारसंघात निवडणूक अधिकाऱ्यांनी २००० मतांनी अमोल कीर्तिकर हे विजयी झाल्याचे जाहीर केले. त्यानंतर शिंदे गटाचे उमेदवार रविंद्र वायकर यांनी फेरमतमोजणीची मागणी केली. त्यानंतर निवडणूक अधिकाऱ्यांनी ४८ मतांनी रविंद्र वायकर विजयी झाल्याचे जाहीर केले.
२६ फेऱ्यांची मतमोजणी झाली. त्यावेळी अमोल कीर्तिकर हे १ मताने आघाडीवर होते. २६ फेऱ्या झाल्यानंतर फेरमतमोजणी आणि बाद पोस्टल मतदानाची तपासणी करण्यात आली. त्यानंतर रविंद्र वायकर यांना ४८ मतांनी विजयी घोषित करण्यात आले.
रविंद्र वायकर म्हणाले,'अटल बिहारी वाजपेयी यांचं सरकार एका मताने पडलं होतं, हीच एका मताची ताकद आहे. मी 48 मतांनी जिंकल्याबद्दल खुश आहे. मुख्यमंत्री एकनाथ शिंदे आणि पंतप्रधान नरेंद्र मोदी, दोन्ही उपमुख्यमंत्री आणि राज ठाकरेंचा आभारी आहे. माझ्यावर विश्वास दाखवला, त्यांचे आभार. अमोल कीर्तिकर माझ्याच परिसरात राहतो आणि तो माझा शत्रू नाही. एवढ्या कमी फरकाने त्यांचा पराभव झाला. त्यामुळे मी अमोल यांना भेटायला आलो होता, मी सॉरी देखील बोललो'.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.