BMC Election: 'तुम्ही गेले पंधरा वीस वर्ष महापालिकेवर दरोडा टाकला', शिंदेंचा ठाकरेंवर पलटवार

Uddhav Thackeray Vs Eknath Shinde: दरोडा टाकणाऱ्यांनी चोरीची भाषा करणे हे त्यांच्या तोंडून शोभत नाही. गेले पंधरा वीस वर्ष महापालिकेवर दरोडा टाकला मुंबई महापालिकेची हजारो कोटी कुठे गेले याचा हिशोब या गाथा विचारणार आहे, असं म्हणत मुख्यमंत्री एकनाथ शिंदे यांनी उद्धव ठाकरे यांच्यावर हल्लाबोल केला आहे.

तत्पूर्वी उद्धव ठाकरे यांनी आज पत्रकार परिषद घेऊन मुंबई महापालिकेच्या निवडणुकीवरून सरकारला लक्ष्य केलं होतं. यालाच प्रत्युत्तर देताना मुख्यमंत्री शिंदे असं म्हणाले आहेत.

मुख्यमंत्री शिंदे म्हणाले की, ''एसआयटी डिक्लेअर झालेली आहे. त्यामुळे त्यांच्या पायाखालची वाळू सरकली आहे. ते दिशाभूल करण्याचं प्रयत्न करत आहेत. परंतु दिशाभूल होणार नाही दूध का दूध पाणी का पाणी होईल आणि यातून उलटा चोर कोतवाल को दाटे असा विषय आहे.''

ते म्हणाले, ''कॅगच्या ताशेरांवर एसआयटी लावलेली आहे. ती निपक्षपाती पणे काम करेल. कुठलाही राजकीय हेतू डोळ्यासमोर ठेऊन कुठलीही चौकशी होणार नाही. निपक्षपाती पणे जे केले त्याबाबतीत एसआयटी चौकशी करेल आणि या मुंबईकरांचा पैसा जो आहे, हा मुंबईकरांचा पैसा मुंबईकरांच्या तिजोरीत राहायला पाहिजे. तो कुणालाही इकडे तिकडे वळवता येणार नाही.''  (Latest Marathi News)

मुख्यमंत्री शिंदे म्हणाले, ''जी-२० चं अध्यक्ष पद आपल्या देशाला मिळणं आणि अध्यक्ष प्रधानमंत्री मोदी होणे, ही आपल्या देशवाशियासाठी एक गौरव आणि अभिमानाची बाब आहे. हे कसं यांना (उद्धव ठाकरे यांना) कळणार नाही.