मुसळधार पावसामुळे चेंबूर-भक्तीपार्क दरम्यान मोनोरेल बंद पडली.
एसी आणि लाईट बंद झाल्याने प्रवासी गुदमरले आणि घाबरले.
अग्निशमन दल, पोलिस आणि BMCने रेस्क्यू ऑपरेशन सुरू केले.
गेल्या दीड तासापासून मोनोरेलमध्ये प्रवासी अडकले.
मुंबईत कालपासून पडणाऱ्या मुसळधार पावसाचा फटका रस्ते वाहतूक, रेल्वे वाहतूकीला मोठ्या प्रमाणात बसला. यानंतर या पावसामुळे आता मोनोरेल देखील बंद पडली आहे. मोनोरेलमध्ये मोठ्या प्रमाणात प्रवासी अडकले आहेत. चेंबूर ते भक्तीपार्क दरम्यान मोनोरेल बंद पडली. त्यानंतर मोनोरेलमधील एसी आणि लाईट देखील बंद झाले. त्यामुळे प्रवासी गुदमरले. घटनास्थळी अग्निशमन दल आणि पोलिसांनी धाव घेतली असून बचाकार्य करण्यात येत आहे. मोनो रेलच्या काचा फोडून प्रवाशांना बाहेर काढण्यात येणार आहे. मुंबईतील हे सर्वात मोठं रेस्क्यू ऑपरेशन आहे.
मिळालेल्या माहितीनुसार, चेंबूर ते भक्तीपार्क दरम्यान तांत्रिक बिघाडामुळे बंद पडलेल्या मोनो रेल्वेमधून प्रवाशांना बाहेर काढण्यासाठी बृहन्मुंबई महानगरपालिका आणि मुंबई अग्निशमन दलाने मदत कार्य सुरु केले आहे. तसेच महानगरपालिकेचे वैद्यकीय पथक रवाना करण्यात आले आहे. नजीकच्या महानगरपालिका रुग्णालयास सुसज्ज राहण्याचे आदेश देण्यात आले आहेत.
मोनो रेल्वे सायंकाळी ६.१५ वाजताच्या सुमारास चेंबूर ते भक्ती पार्क दरम्यान बंद पडली. प्रवाशांनी आपत्कालीन परिस्थितीत तत्काळ मदतीसाठी बृहन्मुंबई महानगरपालिकेच्या १९१६ या क्रमांकावर संपर्क साधला. त्याची तातडीने दखल घेत मुंबई अग्निशमन दलाने घटनास्थळी धाव घेत तीन स्नोर्केल वाहनांच्या साहाय्याने मदत कार्य सुरु केले आहे. गेल्या दीड तासांपासून प्रवासी मोनोरेलमध्ये अडकले आहेत. लाईट, एसी बंद असल्यामुळे प्रवासी घाबरले आहेत. त्यांना श्वास घेण्यास त्रास होत आहे.
मुख्यमंत्री देवेंद्र फडणवीस यांनी मोनोरेल बंद पडल्यासंदर्भात सोशल मीडियावर पोस्ट केली आहे. त्यांनी या प्रकरणी चौकशी केली जाईल असे ते म्हणाले. या पोस्टमध्ये त्यांनी असे लिहिले की, 'काही तांत्रिक कारणाने चेंबूर आणि भक्तीपार्क दरम्यान एक मोनोरेल अडकून पडली आहे. एमएमआरडीए, अग्निशमन दल आणि महापालिका अशा सर्वच यंत्रणा त्याठिकाणी पोहोचल्या आहेत. सर्व प्रवाशांच्या सुरक्षिततेला सर्वोच्च प्राधान्य देण्यात येत आहे. त्यामुळे कुणीही काळजी करु नये, घाबरून जाऊ नये. सर्व प्रवाशांना सुखरुप बाहेर काढण्यात येईल. सर्वांनी संयम ठेवावा, ही माझी सर्वांना विनंती आहे. मी एमएमआरडीए आयुक्त, महापालिका आयुक्त, पोलिस आणि सर्वच यंत्रणांशी संपर्कात आहे. हा प्रकार का घडला, याचीही चौकशी करण्यात येईल.'
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.