Mumbai Local Mega Block: रविवारी तिन्ही रेल्वे मार्गावर मेगाब्लॉक, वेळापत्रक पाहूनच घराबाहेर पडा

Mumbai Local News: उपनगरी रेल्वे मार्गावरील रुळांची दुरुस्ती तसेच सिग्नल यंत्रणेत काही तांत्रिक कामे करण्यासाठी रविवारी रेल्वेच्या तिन्ही मार्गावर मेगाब्लॉक घेण्यात येणार आहे.
Mumbai Local Mega Block: रविवारी तिन्ही रेल्वे मार्गावर मेगाब्लॉक, वेळापत्रक पाहूनच घराबाहेर पडा
Mumbai Local Mega Block Saam TV

लोकलने प्रवास (Mumbai Local) करणाऱ्या प्रवाशांसाठी महत्वाची बातमी आहे. रविवारी म्हणजेच २३ जून २०२४ रोजी रेल्वेच्या तिन्ही मार्गावर मेगाब्लॉक (Mumbai Local Megablock) घेण्यात येणार आहे. उपनगरी रेल्वे मार्गावरील रुळांची दुरुस्ती तसेच सिग्नल यंत्रणेत काही तांत्रिक कामे करण्यासाठी हा मेगाब्लॉक घेण्यात येणार आहे. त्यामुळे तिन्ही मार्गावरून प्रवास करणाऱ्या प्रवाशांनी लोकलचे वेळापत्रक पाहूनच घराबाहेर पडावे. नाहीतर त्यांना प्रवास करताना त्रास होऊ शकतो. मध्य रेल्वेच्या सीएसएमटी- विद्याविहार अप आणि डाउन धीम्या मार्गावर, हार्बर मार्गावरील सीएसएमटी - चुनाभट्टी/वांद्रे अप आणि डाउन मार्गावर तर पश्चिम रेल्वेच्या माहीम ते गोरेगाव अप- डाऊन हार्बर मार्गावर मेगाब्लॉक घेण्यात येणार आहे.

मध्य रेल्वे मार्गावर असा राहिल मेगाब्लॉक -

मध्य रेल्वे मार्गावर रविवारी सकाळी १०.५५ ते दुपारी ३.२५ वाजेपर्यंत सीएसएमटी ते विद्याविहार अप - डाऊन धीम्या मार्गावर मेगाब्लॉक असणार आहे. या ब्लॉकदरम्यान सीएसएमटी येथून सुटणाऱ्या डाऊन मार्गावरील धीम्या लोकल डाउन जलद मार्गावर वळवण्यात येतील. यादरम्यान लोकल भायखळा, परळ, दादर, माटुंगा, सायन आणि कुर्ला स्थानकावर थांबतील आणि पुढे डाऊन धीम्या मार्गावर मार्गावर वळविण्यात येणार आहेत. घाटकोपरवरून सुटणाऱ्या अप धीम्या मार्गावरील लोकलसेवा विद्याविहार आणि सीएसएमटी स्थानकांदरम्यान अप जलद मार्गावर वळवण्यात येतील आणि कुर्ला, सायन, माटुंगा, दादर, परळ आणि भायखळा स्थानकावर थांबतील.

Mumbai Local Mega Block: रविवारी तिन्ही रेल्वे मार्गावर मेगाब्लॉक, वेळापत्रक पाहूनच घराबाहेर पडा
Pune Mumbai Express News: पुणे-मुंबई रेल्वेने प्रवास करणाऱ्या प्रवाशांसाठी मोठी बातमी

हार्बर रेल्वे मार्गावर असा राहिल मेगाब्लॉक -

हार्बर रेल्वे मार्गावर रविवारी सकाळी ११. १० ते दुपारी ४.४० वाजेपर्यंत सीएसएमटी - चुनाभट्टी/वांद्रे अप आणि डाउन मार्गावर मेगाब्लॉक घेण्यात येणा आहे. ब्लॉक कालावधीत सीएसएमटी /वडाळा येथून वाशी/बेलापूर/पनवेल करीता सुटणारी डाउन हार्बर मार्गावरील लोकलसेवा बंद राहतील. तर सीएसएमटी येथून येथून वांद्रे/गोरेगावसाठी डाउन हार्बर मार्गावरील लोकलसेवा बंद राहतील. तर, पनवेल/ बेलापूर/ वाशी येथून सीएसएमटीकरीता सुटणारी अप हार्बर मार्गावरील लोकलसेवा आणि गोरेगाव/वांद्रे येथून सीएसएमटी सुटणारी अप हार्बर मार्गावरील सेवा बंद राहतील. अशामध्ये ब्लॉक कालावधीत सीएसएमटी ते कुर्ला आणि पनवेल ते वाशी दरम्यान विशेष लोकल चालविण्यात येणार आहे.

Mumbai Local Mega Block: रविवारी तिन्ही रेल्वे मार्गावर मेगाब्लॉक, वेळापत्रक पाहूनच घराबाहेर पडा
Mumbai-Pune Train Video: मुंबई-पुणे रेल्वे प्रवास करणाऱ्यांसाठी महत्वाची बातमी, २८ ते ३० जूनपर्यंत २ ट्रेन रद्द

पश्चिम रेल्वे मार्गावर असा राहिल मेगाब्लॉक -

पश्चिम रेल्वे मार्गावर सकाळी ११ ते दुपारी ४ वाजेपर्यंत माहीम ते गोरेगाव अप - डाऊन हार्बर मार्गावर मेगाब्लॉक घेण्यात येणार आहे. या ब्लॉकदरम्यान सीएसएमटी ते वांद्रे आणि सीएसएमटी ते गोरेगाव हार्बर मार्गावरील लोकलसेवा आणि काही चर्चगेट- गोरेगाव धीमी अप- डाऊन लोकलसेवा रद्द असणार आहे. त्यामुळे प्रवाशांनी लोकलचे वेळापत्रक पाहूनच घराबाहेर पडावे.

Mumbai Local Mega Block: रविवारी तिन्ही रेल्वे मार्गावर मेगाब्लॉक, वेळापत्रक पाहूनच घराबाहेर पडा
Mumbai High Court: सोसायटीसोबत वाद असला तरी मेंटेनन्स देणे बंधनकारक, हायकोर्टाचा महत्वपूर्ण निर्णय

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com