Mumbai Local Train News: मोठी बातमी! हार्बर रेल्वेची वाहतूक विस्कळीत, पनवेलकडे जाणारी वाहतूक ठप्प

Mumbai Local Train Harbour Line News: एक मोठी बातमी समोर येत आहे. हार्बर रेल्वेची वाहतूक विस्कळीत झाली आहे. वाशी आणि मानखुर्द स्थानकादरम्यान रेल्वे रुळाला तडे गेल्याचं समजतंय.

यामुळे पनवेलकडे जाणारी वाहतूक थांबवण्यात आली आहे. ऐन गर्दीच्या वेळी लोकल सेवा विस्कळीत झाल्याने प्रवाशांना मोठा त्रास सहन करावा लागत आहे.

मिळालेल्या माहितीनुसार, मानखुर्दवरून पनवेलच्या दिशेने जाणाऱ्या लोकल ट्रेन मागील 25 मिनिटांपासून थांबल्या आहेत. तीन ते चार लोकल एकापाठी एक उभ्या आहेत. यातच मोटरमनकडून रेल्वेत अनाउन्समेंट करमुक्त आली आहे की, कोणीही रेल्वे ट्रॅकवर उतरू नये.  (Latest Marathi News)

यातच रुळाला तडे गेल्याने अनेक प्रवाशी रेल्वेत बसून आहेत. रेल्वे कधी सुरु होणार याची प्रवास वाट पाहत आहेत. मात्र रेल्वे रुळाचं काम कधी पूर्ण होणार याबाबत अद्याप कोणतीही माहिती समोर आलेली नाही.

झुरळांमुळे पुण्यात रेल्वेच थांबवली

दरम्यान, पनवेल ते नांदेड ही रेल्वे प्रवाशांनी मागील दीड तासांपासून पुणे रेल्वे स्थानकावर झुरळांमुळे रोखून धरलीय. या रेल्वेत इतकी झुरळं आहेत की, पुढे प्रवास करणं प्रवाशांना अशक्य झालय. पनवेल आणि मधल्या स्थानकांवर रेल्वेत बसलेले प्रवासी या झुरळांच्या सुळसुळाटामुळे हैराण झालेत. झुरळांचा बंदोबस्त झाल्याशिवाय रेल्वे पुढे न्यायची नाही, अशी प्रवाशांची भूमिकाय.