Mumbai Car Boat: मुंबईच्या समुद्रात चक्क धावतेय Rolls Royce, व्हिडिओ झाला व्हायरल, वाचा

मुंबईतील जुहू बीच हा खूप प्रसिद्ध आहे. जूहू बीचवर अनेक पर्यटक रोज फिरायला जातात. जूहू बीचवर अनेक फिरण्याचे स्पॉट आहेत. दरम्यान, जूहू बीचवरचा एक व्हिडिओ सध्या सोशल मीडियावर प्रचंड व्हायरल होत आहे. समुद्रात रोल्स रॉइस कार फिरताना दिसत आहे. या कारला पाहण्यासाठी पर्यटकांनी खूप गर्दी केली.

अचानक समुद्रात रोल्स रॉइस कार फिरत असल्याचे पाहून पर्यटकांना धक्काच बसला. या कारला समुद्रातील कार म्हणून संबोधले जाऊ लागले आहे. दरम्यान ही कार समुद्रात कशी तरंगते असा प्रश्न अनेकांना पडला असले. मात्र, ही कार नसून लहान आकाराची बोट आहे.

या बोटीला कारचे रुप देण्यात आले आहे. ही संकल्पान प्रमोद पवारांची आहे. त्यांनी दुबईत एकदा ही अशी कारच्या आकाराची बोट पाहिली होती. त्यामुळे त्यांनी मुंबईतदेखील हा प्रयोग केला आणि बोटीला कारचे स्वरुप दिले.

भारतात केला प्रयोग

प्रमोद पवार यांनी दिलेल्या माहितीनुसार, दुबईत ते फिरायला गेले असताना समुद्रकिनारी त्यांना ही बोट दिसली. त्यामुळेच त्यांना ही संकल्पना सुचली. तिथे लक्झरी थीम असलेल्या बोटीचा वापर केला आहे. त्यांनी याच संकल्पनेतून ही बोट तयार करण्याचा निर्णय घेतला आणि महाराष्ट्रात येऊन त्यांनी त्यावर काम सुरु केले. याबाबत एनटीव्हीने वृत्त दिले आहे.

यानंतर त्यांच्या टीमने महाराष्ट्राच्या किनारपट्टीची परिस्थिती पाहून, सुरक्षिततेच्या दृष्टिकोनातून या बोटात बदल केले. या बोटीत ५ लोक बसतात. ही बोट समुद्रात १.८ नॉटिकल प्रवास करु शकते. या बोटीमुळे प्रवाशांना एकदम लक्झरी अनुभव मिळेल.