Accident : मुंबई-अहमदाबाद महामार्गावर मध्यरात्री भीषण अपघात, टेम्पो अन् बसची जोरदार धडक

रूपेश पाटील, पालघर प्रतिनिधी

Mumbai Ahmedabad highway midnight road accident : मुंबई अहमदाबाद राष्ट्रीय महामार्गावर मध्यरात्री खासगी बस आणि टेम्पोमध्ये भीषण अपघात झाला. तलासरीच्या धुंदलवाडी येथे हा अपघात झाला. मुंबईहून गुजरातकडे जाणाऱ्या रस्त्यावर हा भीषण अपघात झाला. या अपघातात खासगी बस मधील वाहकाचा जागीच मृत्यू झाला तर तीन प्रवासी जखमी आहेत. रियाज असं मृत वाहकाचं नाव आहे. अपघातामुळे मुंबई अहमदाबाद राष्ट्रीय महामार्गावर मोठ्या प्रमाणात वाहतूक कोंडी झाली. मध्यरात्री सात ते आठ किलोमीटरच्या वाहनांच्या लांबच लांब रांगा लागल्या होत्या. पोलिसांनी घटनास्थळी धाव घेत अपघातग्रस्त वाहन बाजूला काढत वाहतूक सुरळीत सुरू केली. पण गेल्या काही दिवसांपासून मुंबई अहमदाबाद राष्ट्रीय महामार्गावर अपघातांची मालिका सुरूच आहे.

मुंबई-अहमदाबाद राष्ट्रीय महामार्गावर पालघर जिल्ह्यातील धुंदलवाडी येथे मध्यरात्री टेम्पो आणि खासगी लक्झरी बस यांच्यात भीषण अपघात झाला. भरधाव वेगात असलेल्या या दोन्ही वाहनांची जोरदार धडक झाल्याने खासगी बस पलटी झाली. या अपघातात बसच्या वाहकाचा जागीच मृत्यू झाला, तर तीन प्रवासी गंभीर जखमी झाले. जखमींवर जवळच्या रुग्णालयात उपचार सुरू आहेत. अपघातामुळे दोन्ही वाहनांचे मोठ्या प्रमाणात नुकसान झाले आहे.

या घटनेनंतर महामार्गावर वाहनांच्या लांबच लांब रांगा लागल्याने प्रचंड वाहतूक कोंडी निर्माण झाली. पोलिसांनी तातडीने घटनास्थळी धाव घेऊन बचावकार्य सुरू केले. हा अपघात पालघर जिल्ह्यातील या महामार्गावरील कालचा दुसरा मोठा अपघात आहे. काल एकाच दिवशी या मार्गावर झालेल्या अपघातांमध्ये चार जणांचा बळी गेल्याची माहिती समोर आली आहे. मुंबई-अहमदाबाद महामार्गावर सध्या सुरू असलेल्या रस्त्याच्या कामामुळे आणि खराब टायपिंगमुळे अपघातांचे प्रमाण वाढत आहे. यामुळे स्थानिक नागरिक आणि प्रवाशांमध्ये चिंतेचे वातावरण आहे. पोलिसांनी अपघाताचे कारण शोधण्यासाठी तपास सुरू केला आहे.