गोपाल मोटघरे, साम टीव्ही
पुणे: पिंपरी चिंचवड महापालिकेच्या मोशी येथील कचरा डेपो इमारत दुर्घटनेच्या या ठिकाणी सुरू असलेलं बचाव कार्य आज रात्री उशिरापर्यंत सुरू राहण्याची शक्यता एनडीआरएफने व्यक्त केली आहे अशी माहिती पिंपरी-चिंचवड महापालिकेचे आयुक्त डॉ विजय सूर्यवंशी यांनी दिली. दुर्घटनाग्रस्त इमारती खालून आतापर्यंत 14 जणांची सुखरूप सुटका करण्यात आली आहे. तर दोन जणांचे मृतदेह बाहेर काढण्यात आले आहेत. बचाव कार्य करणाऱ्या पथकाला आणखी दोन मृतदेह आढळून आले आहेत. ते काढण्यासाठी बचाव कार्यपथक युद्ध पातळीवर प्रयत्न करत आहेत. त्यामुळे मृतांचा आकडा आता चारवर पोहोचला आहे. मात्र आणखी 7 कर्मचारी इमारतीच्या ढिगाऱ्याखाली अडकले आहेत. अशी माहिती विजय सूर्यवंशी यांनी दिली.
मोशी कचरा डेपो दुर्पिंघटनेत मृत्यूमुखी पडलेल्या कर्मचाऱ्यांच्या कुटुंबियांना राज्य सरकार तर्फे 5 लाख, पिंपरी चिंचवड महापालिके तर्फे 10 लाख आणि अँथनी कंत्राटदारातर्फे 25 लाखाची मदत देऊन मृत कर्मचाऱ्यांच्या कुटुंबातील मुलांचा शिक्षणाचा खर्च अँथनी हा कंत्राटदार करणार असल्याची माहिती महापौर रवी लांडगे यांनी दिली.
तर काल मुख्यमंत्री देवेंद्र फडणवीस यांना उशीर झाला असल्याने त्यांना घटनास्थळी येता आलं नाही. मात्र या घटनेबाबत मुख्यमंत्री देवेंद्र फडणवीस यांनी एक बैठक घेतली असल्याचे रवी लांडगे यांनी सांगितलं. आज संध्याकाळपर्यंत बचाव कार्याचे चित्र स्पष्ट होईल. त्यांनी इमारतीच्या ढिगाऱ्याखाली अडकलेल्या कर्मचाऱ्यांना बाहेर सुरक्षित काढल्यानंतर आपण या दुर्घटनेला जबाबदार असणाऱ्या दोषी अधिकाऱ्यावर आणि कंत्राटदारावर योग्य ती कायदेशीर कारवाई करू असे रवी लांडगे यांनी स्पष्ट केले आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.