ठाणे : मुंबईसह ठाणे, पुण्यात पावसाचा कहर पाहायला मिळाला. हवामान विभगाने या भागात उद्या देखील मुसळधार पावसाचा इशारा दिला आहे. या पार्श्वभूमीवर प्रशासनाने पुणे, पालघर आणि ठाण्यातील शाळांना सुट्टी जाहीर केली आहे.
आज बुधवारी मुसळधार मुंबईसह ठाणे आणि पुण्याला चांगलंच झोडपलं. या मुसळधार पावसामुळे सखल भागात पाणी साचलेलं पाहायला मिळालं. यामुळे नागरिकांना सखल भागातील साचलेल्या पाण्यातून मार्ग काढून घर गाठावं लागलं आहे. या मुसळधार पावसामुळे अनेक जण तासंतास वाहनातच अडकून बसले. या पावसामुळे मुंबईतील रेल्वे सेवेवर मोठा परिणाम झालाय. तर रस्त्यावरही मोठी वाहतूक कोंडी पाहायला मिळत आहे. तर हवामान विभागाने उद्या देखील अतिवृष्टीचा इशारा दिला आहे. या पार्श्वभूमीवर शासनाने मुंबई,ठाणे, पालघर, पुणे आणि पिंपरी चिंचवडमधील शाळांना सुट्टी जाहीर केली आहे.
ठाण्यात अतिवृष्टीची शक्यता वर्तवल्यामुळे ठाणे महापालिका क्षेत्रातील सर्व शाळांना सुट्टी जाहीर करण्यात आली आहे, अशी माहिती पालिकेच्या शिक्षण विभागाच्या वतीने देण्यात आली आहे.
पालघर जिल्ह्यात उद्या रेड अलर्ट असून मुसळधार पावसाची शक्यता हवामान विभागाकडून वर्तवली आहे. या पार्श्वभूमीवर उद्या पालघर जिल्हाधिकारी यांच्याकडून पालघर जिल्ह्यातील शाळा आणि महाविद्यालयांना सुट्टी जाहीर करण्यात आली आहे. दरम्यान, मागील दोन तासांपासून पालघर जिल्ह्यात मुसळधार पाऊस कोसळत आहे.r
मुसळधार पावसाच्या पार्श्वभूमीवर गुरुवारी पुणे आणि पिंपरी चिंचवड शहरातील शाळा महाविद्यालयांना सुट्टी जाहीर करण्यात आली आहे. भारतीय हवामान खात्याच्या मुंबई विभागाने वादळ आणि विजेच्या कळकडाटासह मुसळधार पावसाचा इशारा दिला आहे. या पार्श्वभूमीवर सुरक्षिततेच्या दृष्टीने उपाययोजना म्हणून पुणे आणि पिंपरी चिंचवड शहरातील सर्व शाळा आणि महाविद्यालयांना सुट्टी जाहीर करण्यात आली आहे. शाळा आणि महाविद्यालयांना सुट्टी जाहीर करण्याचे आदेश जिल्हाधिकारी डॉ. सुहास दिवसे यांनी आदेश जारी केले आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.