MHADA Official Website : म्हाडाच्या बोगस वेबसाईटवरून अर्जदारांची फसवणूक; 6 लाखांचा गंडा

भरत मोहोळकर, साम टीव्ही प्रतिनिधी

तुम्ही म्हाडाच्या घरासाठी अर्ज करत असाल तर ही बातमी तुमच्यासाठी आहे. कारण म्हाडाची बनावट वेबसाईट बनवण्यात आलीय. या वेबसाईटवरून अर्जदाराची 6 लाखांची फसवणूक झालीय. ती नेमकी कशी? त्यावरचा हा स्पेशल रिपोर्ट.....

तुम्ही म्हाडाच्या घरासाठी ऑनलाईन अर्ज भरत असाल तर सावधान....! तुमची फसवणूक होऊ शकते. कारण सामान्यांच्या घरांची स्वप्नपूर्ती करणाऱ्या म्हाडाच्या वेबसाईटची हुबेहूब बनावट वेबसाईट तयार करण्यात आल्याची धक्कादायक बाब समोर आलीय. एवढंच नव्हे तर या बनावट वेबसाईवरून एका अर्जदाराची लाखो रुपयांना फसवणूक झाल्याचंही उघड झालंय.

दोन्ही वेबसाईट पाहा

Mhada.org

housing.mhada.gov.in

यामधील बोगस वेबसाईटच्या क्विक लिंकमध्ये पेमेंट ऑप्शन देण्यात आलाय. मात्र ओरिजनल वेबसाईटवर असा कुठलाही उल्लेख नाही.... ही वेबसाईट 30 जुलैपासून सुरु आहे. त्यात अनेकांची फसवणूक झालीय...या प्रकरणी सायबर सेलकडे तक्रार दाखल केल्याची माहिती म्हाडाच्या अधिकाऱ्यांनी दिली.

या बनावट वेबसाई बनवणा-यांनी 4 लोकांना गोरेगावमधील घर दाखवलं. या घराची किंमत 29 लाख रुपये असल्याचं सांगण्यात आली. तर घरासाठी रजिस्ट्रेशन फी 6 लाख रुपये भरण्यास सांगितलं. घराची पूर्ण किंमत भरल्यानंतर ताबा दिला जाईल, असंही सांगण्यात आलं. मात्र आपली फसवणूक झाली असल्याचं संबंधित व्यक्तीच्या लक्षात आल्यानंतर त्यांनी म्हाडाकडे तक्रार केली. मात्र आता सायबर सेलने तातडीने याप्रकरणी ठकसेनाचा शोध घेऊन कठोर कारवाई करावी. तसंच म्हाडाच्या आयटी सेल आणि ग्राहकांनीही सजग राहायला हवं...