Ganesh Naik VIDEO: सिडको आणि शासनात बिल्डरांचे दलाल, भूखंड हस्तांतरावरून गणेश नाईक यांचा सरकारला घरचा आहेर

Ganesh Naik Aggressive In Vidhansabha: मुख्यमंत्र्यांच्या आदेशानंतरही सिडकोकडून नवी मुंबई महापालिकेस भूखंड हस्तांतरित होत नसल्याबाबत गणेश नाईक यांनी लक्षवेधी सूचना मांडली होती. यावेळी ते सभागृहामध्ये आक्रमक झाल्याचे पाहायला मिळाले.
Ganesh Naik VIDEO: सिडको आणि शासनात बिल्डरांचे दलाल, भूखंड हस्तांतरावरून गणेश नाईक संतापले
Ganesh Naik Latest NewsSaam Tv

सुनिल काळे, मुंबई

नवी मुंबईतील भूखंड विक्री प्रकरणावरून भाजप नेते आणि आमदार गणेश नाईक (BJP MLA Ganesh Naik) संतप्त झाले आहेत. विधानसभेमध्ये गणेश नाईक यांचा आक्रमक चेहरा पाहायला मिळाला. विशेष म्हणजे सत्ताधारी भाजपचे आमदार असलेले गणेश नाईक यांनी राज्य सरकारमधले काही अधिकारी आणि सिडकोचे काही अधिकारी भ्रष्ट असल्याचं सांगत मुख्यमंत्र्यांच्या शब्दाला काही किंमत आहे का? असा प्रश्न उपस्थित केला आहे. परिणामी सभागृहात एकच गोंधळ उडाला.

मुख्यमंत्र्यांच्या आदेशानंतरही सिडकोकडून नवी मुंबई महापालिकेस भूखंड हस्तांतरित होत नसल्याबाबत गणेश नाईक यांनी लक्षवेधी सूचना मांडली होती. यावेळी गणेश नाईक सभागृहामध्ये खूपच आक्रमक झाल्याचे पाहायला मिळाले. यावेळी उत्तर देताना सरकारकडून उद्योग मंत्री उदय सामंत यांनी गणेश नाईक म्हणत असलेल्या प्रकरणाची चौकशी केली जाईल आणि त्याचबरोबर नवी मुंबई महापालिकेच्या ताब्यात असलेल्या ४० स्केअर किलोमीटरचा भूखंड पालिकेकडेच राहील अशा पद्धतीचा निर्णय घेतला जाईल असं आश्वासन दिलं.

Ganesh Naik VIDEO: सिडको आणि शासनात बिल्डरांचे दलाल, भूखंड हस्तांतरावरून गणेश नाईक संतापले
Maharashtra Politics: विधानपरिषदेसाठी NCPची हायव्होल्टेज बैठक; मलिकांच्या एंट्रीनं महायुतीची कोंडी?

पण गणेश नाईक यांचा रुद्रावतार पाहून आणि त्रागा पाहून सत्ताधारी पक्षातले सदस्य सुद्धा अवाक झाल्याचे पाहायला मिळाले. याचाच धागा पकडून विरोधी पक्षाकडून जितेंद्र आव्हाड यांनी गणेश नाईक यांनी केलेले आरोप गंभीर असल्याचे सांगत भ्रष्टाचार सरकारच्या पातळी सुरू आहे का? असं म्हणत वातावरण तापवायचा प्रयत्न केला. विशेष म्हणजे या वादात ठाण्यातल्या राजकारणाची किनार असल्याची चर्चा आहे.

Ganesh Naik VIDEO: सिडको आणि शासनात बिल्डरांचे दलाल, भूखंड हस्तांतरावरून गणेश नाईक संतापले
Rahul Gandhi : विधानसभेच्या तयारीसाठी राहुल गांधी बनणार वारकरी; महायुतीत अस्वस्थता

नगरविकास खाते हे मुख्यमंत्र्यांकडे आहे आणि भाजपचे नेते गणेश नाईक यांचा नवी मुंबईमध्ये दबदबा आहे. त्या पार्श्वभूमीवरती गणेश नाईकांचे वर्चस्व कमी करण्यासाठी प्रशासकीय यंत्रणांचा वापर होत असल्याची चर्चा सुरू आहे. त्यामुळेच गणेश नाईकांच्या ताब्यात असलेल्या नवी मुंबईच्या निर्णयासंदर्भात चालढकल केली जात असल्याचे गणेश नाईक यांचं म्हणणं असल्याचे या एकूणच यांच्या विधानावरून दिसून येते. परिणामी कालचा सामना हा भाजपचे नेते विरुद्ध मुख्यमंत्र्यांचे खातं असा रंगल्याचं सभागृहात चित्र दिसले.

Ganesh Naik VIDEO: सिडको आणि शासनात बिल्डरांचे दलाल, भूखंड हस्तांतरावरून गणेश नाईक संतापले
Team India News: टीम इंडियाला मायदेशी आणणाऱ्या विमानावरुन उडाला गोंधळ! DGCA ने मागितलं स्पष्टीकरण, नेमकं काय घडलं?

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com