Lalbaugcha Raja 2024 : लाडक्या गणपती बाप्पाच्या आगमानासाठी सर्वजण आतुर झाले आहेत. शनिवारी गणरायाचे वाजतगाजत आगमन होईल. आपल्या लाडक्या बाप्पाच्या आगमनासाठी वर्षभर गणेशभक्त वाट पाहत असतात. पुढील १० दिवस हा सण मोठ्या दिमाखात साजरा केला जाणार आहे. मुंबई-पुण्यातील सार्वजनिक गणपतीचं दर्शन घेण्यासाठी सर्वजण येत असतात. नवसाला पावणारा अशी ओळख असलेला लालबागचा राजा. (Lalbaugcha Raja 2024) या राजाच्या दर्शनासाठी भलीमोठी रांग असते.
लोअर परेल, करी रोड, चिंचपोकळी, लालबाग, परेल या ठिकाणी मोठ्या प्रमाणात गर्दी पाहायला मिळते. त्यामुळे अनेकांचे हाल होतात. पण आता घरबसल्या लालबागच्या राजाचे दर्शन करता येणार आहे. लालबागचा राजा मंडळाने तशी व्यवस्था केली आहे. युट्यूब, फेसबूकच्या माध्यमातून लालबागच्या राजाचं २४ तास दर्शन घेऊ शकता. इतकेच काय तर गणपतीच्या आरतीवेळी तुम्ही ऑनलाईन सहभागी होऊ शकता.
लालबागच्या राजाची दिवसातून दोन वेळा आरती केली जाते. दररोज दुपारी १२.३० वाजता आणि रात्री ८ ते ९ दरम्यान लालबागच्या राजाची आरती केली जाते. आरतीसाठी मोठ्या प्रमाणात गर्दी असते. पण तुम्ही आता घरबसल्या आरतीमध्ये सहभागी होऊ शकता.
ज्यांना लालबागचा राजा थेट पहायचा आहे त्यांच्यासाठी खालील प्लॅटफॉर्म उपलब्ध आहेत:
अधिकृत वेबसाइट: https://lalbaugcharaja.com/en/
YouTube चॅनल: https://www.youtube.com/user/LalbaugRaja
फेसबुक पेज: https://m.facebook.com/LalbaugchaRaja
इंस्टाग्राम खाते: https://instagram.com/lalbaugcharaja
एक्स (ट्वीटर) खाते: https://twitter.com/lalbaugcharaja
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.