काही दिवसांपासून राज्यात औरंगजेब,कबर आणि त्यावरुन होणाऱ्या वादांमुळे राज्याचं वातावरण गढूळ झालं होतं. मात्र आता पुन्हा राज्यातील बड्या नेत्याची तुलना औरंगजेबाशी करण्यात आलीये. थेट करुणा शर्मांनी धनंजय मुंडेंवर कठोर शब्दात टीका करत मुंडे हे औरंगजेबापेक्षाही क्रूर वृत्तीचे असल्याचं म्हटलंय.औरंगजेबानं आपल्या बायका-पोरांचे कधीही हाल केले नाहीत, असं म्हणत करुणा मुंडेंनी गंभीर आरोप केले.
राष्ट्रवादीचे नेते आणि माजी मंत्री धनंजय मुंडे आणि करुणा शर्मा यांच्याबाबतच्या खटल्यात महिना 2 लाख रुपये पोटगी देण्याचा निर्णय मुंबईतील माझगाव न्यायालयानं कायम ठेवलाय..
करुणा मुंडे आणि धनंजय मुंडेंमधील संबंध लग्नासारखे
2 मुलांना जन्म देणं एकाच घरात राहिल्याशिवाय शक्य नाही
करुणा मुंडे कायद्यांतर्गत दिलासा मिळवण्यास पात्र
करुणा आणि त्यांच्या मुलांनाही नेत्यासारखी जीवनशैली मिळायला हवी
करुणा शर्मांच्या या गंभीर आरोपांनी खळबळ माजलीये. तर दुसरीकडे येत्या काळात आणखी गोष्टी बाहेर काढणार असल्याचही करुणा म्हणतायत.. यामध्ये फक्त धनंजय मुंडे नाहीत इतरही लोक आहेत त्या सगळ्यांना शिक्षा होणार असल्याचा विश्वास करुणा शर्मांनी व्यक्त केलाय.त्यामुळे आगामी काळात धनंजय मुंडेंचा पाय आणखी खोलात जाणार का आणि यामुळे मुंडे आणि गँग या विरोधकांच्या आरोपांना पुष्टी मिळणार का हेच पाहायचं.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.