Kalyan : कोळसेवाडी पोलिसांच्या प्रसंगावधनाने मोठा अनर्थ टळला!

कल्याण : कल्याण पूर्वेत काटेमानवली नाका ते चिंचपाडा रोडवरील व्यापाऱ्यांना सीसीटीव्ही कॅमेरे बसवण्याबाबतच्या आवाहन पत्रिकाचे वाटप पोलीस करत होते. यावेळी रस्त्यावर अचानक पणे वाहतूक कोंडी झाल्याने कोळसेवाडी पोलीस हवालदार प्रवीण देवरे, पोलीस नाईक कुणाल परदेशी, हे वाहतूक कोंडी सोडवण्यासाठी गेले असता. त्याठिकाणी तीन इसम आपापसात भांडण करत असल्याचे त्यांच्या दिसले.

हे देखील पहा :

त्यातील एक तरुण धारधार शस्त्राने दोन जणांना मारत असल्याचे त्याच्या निदर्शनास आले. यावेळी पोलिसांनी चाकू मारत असलेल्या तरुणाला जमिनीवर खाली पाडून त्याच्या हातातला रक्ताने भरलेला चाकू हिसकावून आरोपीस ताब्यात घेतले. तसेच जखमी झालेले विशाल पाटील व दीपेश रसाळ यांना रुग्णालयात उपचारासाठी पाठवण्यात आले.

जखमी झालेल्या विशाल व दीपेश यांच्या सांगण्यावरून आरोपी मयूर दराडे याच्यावर गुन्हा दाखल केला असून अधिक तपास कोळसेवाडी पोलीस करत आहे. या केलेल्या धाडसी कामगिरी मुळे सर्व स्तरातून वरिष्ठ पोलीस निरीक्षक बशीर शेख, पोलीस हवालदार प्रवीण देवरे, पोलीस नाईक कुणाल परदेशी, यांचे कौतुक होत आहे.

Edited By : Krushnarav Sathe