पुण्यातून एक मोठी बातमी समोर येत आहे. केंद्रीय मंत्री मुरलीधर मोहोळ यांच्या निकटवर्तीयाला मारहाण केल्याप्रकरणी कुख्यात गुंड गजानन मारणेला अटक करण्यात आली आहे. गजा मारणेला कोथरूड पोलिसांनी ताब्यात घेतलं आहे.
मोहोळ यांचे निकटवर्तीय देवेंद्र जोग यांना मारहाण करण्यात आली होती. याच प्रकरणी गजा मारणे याच्या मुसक्या आवळण्यात पोलिसांना यश आलं आहे. तसेच मुख्य आरोपी बाब्या पवारला देखील कोथरूड पोलिसांनी ताब्यात घेतलं आहे.
१९ फेब्रुवारीला आयटी अभियंत्याला मारहाण झाली होती. कुख्यात गुंड गजानन मारणे याच्यासह त्याच्या टोळीविरोधात मोक्काअंतर्गत कारवाई करण्यात आली. घटनास्थळी गजा मारणे जरी उपस्थित नसला तरी, तो टोळी प्रमुख म्हणून रडारवर होता. या प्रकरणी टोळी प्रमुख गजा मारणेला पोलिसांनी ताब्यात घेतलं आहे.
मुरलीधर मोहोळ यांचे निकटवर्तीय देवेंद्र जोग मारहाण प्रकरणी पोलीस आयुक्त अमितेश कुमार अॅक्शन मोडवर आले आहेत. त्यांनी मारणेच्या संपत्तीची चौकशी करणार असल्याचं सांगितलं होतं. तसेच आरोपींयांवर मकोका अंतर्गत गुन्हा दाखल केला आहे.
अमितेश कुमार यांनी या प्रकरणाची तातडीने दखल घेत आरोपींच्या मुसक्या आवळल्या आहेत. तीन आरोपींना अटक करण्यात आले असून, मुख्य आरोपी श्रीकांत उर्फ बाब्या संभाजी पवारला देखील अटक करण्यात पोलिसांना यश आलं आहे.
देवेंद्र जोग हे आयटी अभियंता असून ते भाजपचे कार्यतकर्ते असल्याची माहिती समोर आली आहे. १९ फेब्रुवारीला घरी जात असताना रस्त्यावर गर्दी होती. त्यामुळे जोग रस्त्याच्या कडेला उभे होते. त्यावेळी गाडीचा धक्का लागला. धक्का लागल्याच्या कारणावरून चौघांनी जोग यांना लाथाबुक्क्यांनी मारहाण केली. यात जोग यांना गंभीर दुखापत झाली. त्यांनी वडिलांसोबत जात आरोपींविरोधात गुन्हा दाखल केला.
नंतर सीसीटीव्ही फुटेजच्या आधारे पोलिसांनी आरोपींच्या मुसक्या आवळल्या आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.