योगेश पाटील, साम प्रतिनिधी
योगेशने आपल्या मेहनतीने चार्टड अकाउंटंटची परीक्षा उत्तीर्ण केली. योगेश हा डोबिंवलीचा रहिवासी आहे. त्याची आई डोबिंवलीत भाजी विकते. कितीही गरीब परिस्थिती असली तरीही माणूस खूप यशस्वी होऊ शकतो हे योगेशने सिद्ध केलं.
डोंबिवलीच्या खोणी परिसरात आपल्या दोन मुले आणि एका मुलीसोबत राहणाऱ्या नीरा ठोंबरे. यांचा मुलगा योगेश हा चार्टड अकाउंटंट झाला. चार्टड अकाउंटंट झाल्यानंतर त्याने आपल्या आईला कडकडून मिठी मारली. याचाच व्हिडिओ सोशल मीडियावर व्हायरल होत आहे. हा व्हिडिओ पाहून तुमच्याही डोळ्यात नक्कीच पाणी येईल. योगेश हा एका भाजीविक्रेत्याचा मुलगा आहे. त्याची आई गांधानगरमधील गिरनार मिठाई दुकानाजवळ भाजी विकते. त्याने खडतर परिस्थितीवर मात करुन यश मिळवले आहे.
नीरा ठोंबरे या डोंबिवली जवळील खोणी परिसरात आपली दोन मुले विकास, योगेश व मुलगी सोनलसह राहतात. निरा ठोंबरे या डोंबिवलीतील गांधीनगर परिसरात गेल्या 22 ते 25 वर्षांपासून भाजीचा व्यवसाय करतात. योगेश नववीत असताना त्याचे वडील वारले .त्यानंतर योगेशची जबाबदारी संसाराचा गाडा हाकण्याची जबाबदारी त्यांच्यावर आली मात्र हार न मानता पैशाची जुळवा जुळव करत त्यानी भाजी विक्रीचा व्यवसाय सुरू केला .अत्यंत प्रतिकूल परिस्थितीत नीरा यांनी मुलांचे शिक्षण पूर्ण करण्याचा निश्चय केला, त्याचं फलित योगेश आज सीए झालाय. जिद्द आणि कष्टाचं फळ निरा ठोंबरे आणि योगेश ठोंबरे यांना मिळालंय.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.